Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Profil pracodawcy

Business Central vöruhúsaráðgjafi

Advania leitar að reynslumiklum og lausnamiðuðum vöruhúsaráðgjafa sem brennur fyrir skilvirkum vöruhúsarekstri og nútímalegum ferlum. Ef þú hefur góða yfirsýn yfir aðfangakeðju, skilning á daglegum áskorunum vöruhúsa og þekkingu á Dynamics 365 Business Central, þá er þetta spennandi tækifæri til að hafa raunveruleg áhrif.

Um hlutverkið

Í þessu hlutverki tekur þú virkan þátt í að móta og innleiða vöruhúsalausnir hjá fjölbreyttum hópi viðskiptavina, þar sem fagmennska, náið samstarf og skýr hönnun eru lykilþættir. Þú tengir saman viðskiptavini, ráðgjafa og tækniteymi og tryggir að lausnirnar skili skýrum árangri – bæði í Business Central og tengdum handtölvulausnum.

Helstu verkefni og ábyrgð

Ráðgjöf í Business Central með vöruhúsalausnir sem sérþekkingu
Greining viðskiptaþarfa og skilgreining krafna
Forgangsröðun verkefna og umbóta í samstarfi við viðskiptavini
Hönnun og þróun vöruhúsferla
Samræming Business Central og handtölvulausnum
Umsjón með prófunum og innleiðingum
Náið samstarf með viðskiptavinum, ráðgjöfum og tækniteymum

Menntun og hæfni

Reynsla af vöruhúsarekstri eða birgðastýringu
Þekking á ERP kerfum (Business Central / skilyrði)
Sterk greiningar- og samskiptahæfni
Reynslu af stjórnun aðfangakeðju, birgðum og vöruhúsum
Geta til að vinna sjálfstætt í ráðgjafarhlutverki

Í boði

Fjölbreytt verkefni hjá ólíkum viðskiptavinum
Starf í öflugu Business Central ráðgjafateymi
Sveigjanlegt vinnuumhverfi
Samkeppnishæf starfskjör

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 30. mars 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Rúnar Þór Bjarnþórsson, deildarstjóri Business Central, [email protected] / 4409000.

Utworzono ofertę pracy16. March 2026

Termin nadsyłania podań30. March 2026

Znajomość języków