Bara tala leitar að íslenskukennara

Íslenska með hreim er tákn um hugrekki!

Bara tala er íslenskt nýsköpunarfyrirtæki sem brennur fyrir því að auðvelda fólki að læra og auka færni sína í íslensku. Við þróum stafræna tungumálalausn sem byggir á íslenskri máltækni þar sem áhersla er lögð á talmál, starfstengdan orðaforða og hagnýta íslensku í daglegu lífi.

Við leitum nú að drífandi og skapandi kennara eða fræðslustjóra til að ganga til liðs við okkar öfluga teymi í síbreytilegu og skemmtilegu nýsköpunarumhverfi.

Helstu verkefni og ábyrgð:

• Umsjón með þróun og innleiðingu á íslenskum almennum-, náms- og starfs- orðaforða í stafrænu lausninni.

• Mótun námsefnis og tryggja gæði þess út frá þörfum ólíkra notendahópa.

• Verkefnastjórnun tengd fræðsluhluta lausnarinnar.

• Samskipti við vinnustaði og samstarfsaðila varðandi innleiðingu og verkefni.

Hæfniskröfur:

• Menntun: Leyfi til að nota starfsheitið kennari eða önnur háskólamenntun sem nýtist í starfi.

• Tungumál: Framúrskarandi færni í íslensku og ensku, bæði í ræðu og riti.

• Reynsla: Reynsla af kennslu í íslensku sem öðru máli er mikill kostur.
  Reynsla af verkefnastjórnun er einnig kostur.

• Tækni: Góð tæknikunnátta og brennandi áhugi á menntatækni og nýsköpun.

• Persónulegir eiginleikar: Jákvæðni, frumkvæði, skapandi og lausnamiðuð nálgun, rík samskiptahæfni og öryggi í opinberri framkomu.

• Hugarfar: Sjálfstæð vinnubrögð, skipulag og hæfni til að vinna í kraftmiklu teymi.

Aðrar upplýsingar:

• Um er að ræða 100% starf.

• Starfið er laust frá 1. mars 2026 (eða eftir samkomulagi).

• Vinnustaðurinn er á höfuðborgarsvæðinu.

• Hreint sakavottorð og ökuréttindi eru skilyrði.

Umsóknarfrestur er til og með 15. febrúar 2026.

Umsókn skal innihalda ferilskrá og stutt kynningarbréf þar sem gerð er grein fyrir áhuga og hæfni viðkomandi fyrir starfið.

Senda skal umsóknir á netfangið: [email protected]

Nánari upplýsingar veitir Jón Gunnar Þórðarson, framkvæmdastjóri Bara tala, í síma 897 5624.