Héraðsdómur Reykjaness

Umdæmi Héraðsdóms Reykjaness er ein dómþinghá, sbr. 1. gr. reglugerðar nr. 1109/2010. Eftirtalin sveitarfélög heyra til umdæmis hans: Garðabær, Grindavíkurbær, Hafnarfjarðarkaupstaður, Kópavogsbær, Reykjanesbær, Sandgerðisbær, Sveitarfélagið Garður og Sveitarfélagið Vogar.

Profil pracodawcy

Aðstoðarmaður dómara

Héraðsdómur Reykjaness auglýsir laust til umsóknar starf löglærðs aðstoðarmanns dómara. Aðstoðarmenn heyra undir dómstjóra og fer um kjör þeirra eftir kjarasamningi. Leitað er eftir drífandi lögfræðingi sem öðlast hefur nokkra starfsreynslu og býr yfir færni til að greina lögfræðileg álitaefni. Starfið krefst sjálfstæðis og nákvæmni í vinnubrögðum. Um er að ræða fullt starf.

Helstu verkefni og ábyrgð

Umsjón með reglulegum dómþingum í einkamálum og gjaldþrotamálum
Meðferð útivistarmála, þ. á m. áritun stefna og ritun dóma og úrskurða
Meðferð sakamála þar sem vörnum er ekki haldið uppi
Ritun úrskurða/ákvarðana í útburðar- og innsetningarmálum, gjaldþrotamálum og málum samkvæmt lögum um skipti á dánarbúum o.fl. þegar vörnum er ekki haldið uppi
Áritun sektarboða og aðfararbeiðna
Dómkvaðning matsmanna og meðferð vitnamála
Aðstoð við dómstjóra við innleiðingu stafrænna lausna

Menntunar- og hæfniskröfur

Umsækjandi þarf að hafa lokið embættisprófi eða grunnnámi ásamt meistaraprófi í lögum og uppfylla jafnframt að öðru leyti skilyrði 2.-6. töluliðar 2. mgr. 29. gr. laga nr. 50/2016 um dómstóla
Að lágmarki tveggja ára starfsreynsla á sviði lögfræði
Reynsla af dómstörfum æskileg
Haldgóð þekking á réttarfari
Góð tölvu- og tækniþekking
Mjög góð færni í íslensku og góð enskukunnátta
Sjálfstæði í vinnubrögðum og lipurð í mannlegum samskiptum

Umsóknum skal fylgja ítarleg starfsferilskrá ásamt kynningarbréfi þar sem gerð er grein fyrir ástæðum umsóknar og hvernig umsækjandi fullnægi fyrrgreindum hæfniskröfum.

Nánari upplýsingar veitir Arndís Sveinbjörnsdóttir skrifstofustjóri og skulu fyrirspurnir sendar á netfangið [email protected].

Umsóknarfrestur er til og með 9. júlí 2025. Æskilegt er að viðkomandi gæti hafið störf sem fyrst, en ráðið verður í starfið frá og með 1. september 2025.

Umsóknir um starfið gilda í sex mánuði frá birtingu auglýsingar. Öllum umsóknum verður svarað þegar ákvörðun um ráðningu hefur verið tekin.

Utworzono ofertę pracy25. June 2025

Termin nadsyłania podań9. July 2025

Znajomość języków