Heilsuvernd

Hjá Heilsuvernd og dótturfélögum starfar öflugt teymi sérfræðinga sem sinna fjölbreyttum störfum á sviði heilbrigðisþjónustu. Markmið Heilsuverndar er að hafa jákvæð áhrif á lífsgæði fólks og efla heilbrigði og vellíðan.

About

Yfirmatreiðslumaður óskast til starfa

Vilt þú vera með okkur í spennandi vegferð í nýju þjónustuúrræði fyrir aldraða í glæsilegri starfsstöð Heilsuverndar að Urðarhvarfi 16?

Heilsuvernd óskar eftir að ráða yfirmatreiðslumann til starfa. Ráðið er í stöðuna frá og með mars 2026.

Heilsuvernd er ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, heilsugæsluþjónustu og heilbrigðisþjónustu fyrir aldraða.

Við leitum að einstaklingum sem hafa jákvæðni og góð samskipti að leiðarljósi og eru tilbúnir að takast á við fjölbreytt verkefni í sterku teymi fagfólks undir merkjum Heilsuverndar.

Helstu verkefni og ábyrgð

Ábyrgð á daglegum rekstri eldhússins
Skipuleggur innkaup, verkefni og verkstýrir starfsfólki
Skipuleggur vaktir starfsmanna og ber stjórnunarlega ábyrgð gagnvart starfsfólki
Gæðaeftirlit í mötuneyti og ábyrgð á umgengni, umhirðu og þrifum eldhúss í samræmi við kröfur heilbrigðiseftirlitsins
Þróar skilvirka vinnuferla innan eldhússins

Menntunar- og hæfniskröfur

Sveinspróf í matreiðslu er skilyrði, viðbótarmenntun æskileg
Reynsla í næringarfræði og gerð sérfæðis er æskileg
Reynsla í hagkvæmum innkaupum, birgðastýringu og samskiptum við birgja
Þekking á úrbeiningu og vinnslu
Reynsla af stjórnun og teymisvinnu er nauðsynleg
Jákvætt viðhorf og hæfni í mannlegum samskiptum
Frumkvæði, jákvæðni og samstarfsvilji
Góð samskipta- og skipulagshæfni
Almenn tölvukunnátta
Góð íslenskukunnátta, bæði talað og skrifað mál

Um fullt starf er að ræða.

Umsóknum skal fylgja ferilskrá og kynningarbréf. Öllum umsóknum verður svarað. Ráðið er í starfið óháð kyni.

Nánari upplýsingar veitir Hanna Guðlaugsdóttir framkvæmdastjóri mannauðs ([email protected]) eða Fríður Brandsdóttir framkvæmdastjóri Heilsuverndar ([email protected]).

Heilsuvernd samstæðan er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Markmið okkar er að hafa jákvæð áhrif á lífsgæði fólks og efla heilbrigði og vellíðan. Því hver dagur er dýrmætur.

Advertisement published16. January 2026

Application deadlineNo deadline

Language skills