Yfirmaður mötuneytis í Hagaskóla
Hagaskóli er safnskóli í Vesturbæ Reykjavíkur með rúmlega 600 nemendur í 8. til 10. bekk og um 80 starfsmenn. Spennandi starf í skóla þar sem lögð er áhersla á jákvæðan skólabrag, skapandi verkefni og leiðsagnarnám.Yfirmaður í mötuneyti skólans ber ábyrgð á matseld fyrir nemendur og starfsmenn. Lögð er áhersla á fjölbreyttan og hollan mat þar sem eldað er samkvæmt manneldismarkmiðum og notast er við viðmið skóla- og frístundasviðs Reykjavíkurborgar. Yfirmaður mötuneytis hefur yfirumsjón með matreiðslu, eftirliti, hönnun matseðla, frágangi í eldhúsi, samskiptum við birgja auk innkaupa á hráefni og bókhald. Nú standa yfir endurbætur á húsnæði Hagaskóla og meðal þess sem gert verður er að flytja mötuneytið. Því verður á næstu árum útbúið nýtt mötuneytiseldhús og þarf yfirmaður mötneytis að koma að undirbúningi þeirrar vinnu. Yfirmaður mötuneytis er yfirmaður starfsmanna í mötuneytinu og skipuleggur vinnu þeirra.
Helstu verkefni og ábyrgð
- Umsjón með gerð matseðla.
- Að elda mat fyrir nemendur og starfsfólk.
- Að taka tillit til ýmissa sérþarfa í mataræði.
- Sjá um tilfallandi veitingar á fundum og viðburðum á vegum skólans.
- Yfirumsjón með uppvaski og frágangi í eldhúsi og kaffiaðstöðu starfsmanna.
- Jákvæð samskipti við börn og fullorðna.
- Innkaup, samskipti við birgja, stjórnun og skipulag í mötuneyti í samvinnu við skólastjórnendur.
- Menntun og reynsla á sviði matreiðslu fyrir stóra hópa.
- Þekking á rekstri mötuneyta.
- Þekking á næringarfræði og fæðuofnæmi.
- Framúrskarandi færni og lipurð í samskiptum.
- Sjálfstæð og skipulögð vinnubrögð.
- Frumkvæði í starfi, reglusemi og stundvísi.
- Geta til að vinna undir álagi.
- Íslenskukunnátta á stigi B1 samkvæmt evrópska tungumálarammanu
Heilsuræktarstyrkur
Sundkort
Samgöngusamningur
Icelandic
