Viðskiptastjóri hjá Sena Events & PCO

Viðskiptastjóri hjá Sena Events & PCO

Hefur þú brennandi áhuga á viðburðum og hæfileika til að byggja upp sterk viðskiptatengsl?

Sena Events & PCO leitar að drífandi viðskiptastjóra með framúrskarandi samskiptahæfni í nýja stöðu hjá fyrirtækinu. Við leitum að einstaklingi sem kemur vel fram, á auðvelt með að skapa tengsl og hefur metnað til að þróa ný viðskiptatækifæri.

Sena vinnur með mörgum af stærstu fyrirtækjum landsins að fjölbreyttum viðburðum og ráðstefnum. Markmið viðskiptastjóra verður að styrkja þau tengsl og afla nýrra viðskiptavina meðal fyrirtækja, starfsmannafélaga, félagasamtaka og annarra aðila.

Staðan heyrir undir framkvæmdastjóra Senu Events og býður upp á tækifæri til að móta nýtt hlutverk og taka virkan þátt í áframhaldandi uppbyggingu starfseminnar.

Helstu verkefni

• Rækta og styrkja tengsl við núverandi viðskiptavini.

• Afla nýrra viðskiptavina og þróa viðskiptatækifæri.

• Halda utan um sölu viðburða, frá fyrstu samskiptum til samnings.

• Kynna starfsemi og þjónustu Senu Events & PCO.

• Greina þarfir viðskiptavina og vinna að tillögum og tilboðum í samstarfi við teymið.

• Fylgja eftir fyrirspurnum, tilboðum og sölumarkmiðum.

Við leitum að einstaklingi sem

• Hefur framúrskarandi samskiptahæfni og ríka þjónustulund.

• Kemur vel fram og er öruggur í kynningum og samskiptum við viðskiptavini.

• Hefur framúrskarandi íslensku- og enskukunnáttu, bæði í ræðu og riti.

• Hefur brennandi áhuga á viðburðum og ráðstefnum.

• Sýnir frumkvæði, drifkraft og metnað til að skapa ný viðskipti.

• Er skipulagður og getur unnið sjálfstætt.

• Hefur reynslu af sölu, viðskiptatengslum eða sambærilegum verkefnum. Reynsla úr viðburðageiranum er kostur.

Við bjóðum

Fjölbreytt starf í lifandi viðburðaumhverfi, náið samstarf við reynslumikið teymi og tækifæri til að móta nýja stöðu. Viðskiptastjóri fær að vinna með fjölbreyttum hópi viðskiptavina og taka þátt í að þróa spennandi verkefni hjá Senu Events & PCO.