Verkefnastjóri samfélags- og umhverfismála á Austurlandi

Viltu eiga góð samskipti?

Við leitum að verkefnastjóra sem hefur það hlutverk að tryggja góð samskipti við nærsamfélag og hagsmunaaðila á Austurlandi, standa vörð um náttúru svæðisins og lágmarka umhverfisáhrif starfseminnar. Starfið býður upp á tækifæri til að starfa í líflegu og hvetjandi vinnuumhverfi og hafa jákvæð áhrif á náttúru og samfélag.

Starfsstöð er í Fljótsdalsstöð.

Helstu verkefni:

• Umsjón með vöktun náttúrufars
• Umsjón með landbótaverkefnum
• Samskipti við hagsmunaaðila og leyfisveitendur
• Gerð og eftirfylgni samskiptaáætlana
• Undirbúningur og framkvæmd samfélagsverkefna
• Eftirfylgni umhverfismála á aflstöð
• Miðlun verkefna og árangurs, innan og utan fyrirtækisins

Hæfniskröfur:

• Háskólamenntun sem nýtist í starfi
• Framúrskarandi samskiptaeiginleikar og jákvætt viðhorf
• Þekking og reynsla af samskiptum við fjölbreyttan hóp hagsmunaaðila
• Frumkvæði, metnaður og sjálfstæði í vinnubrögðum
• Þekking og reynsla af umhverfis- og orkumálum er kostur.

Umsókn skal fylgja starfsferilskrá og kynningarbréf sem rökstyður hæfni umsækjanda til starfsins.