Reitir fasteignafélag

Reitir er leiðandi fyrirtæki í fasteignaþróun, umsýslu og eignarhaldi atvinnuhúsnæðis á Íslandi. Við mótum framtíðina með sjálfbærri uppbyggingu og sterkum langtímasamböndum sem skapa ávinning fyrir leigutaka, fyrirtækið og samfélagið. Á sama tíma hlúum við að sögufrægum byggingum og stöndum vörð um íslenskan menningararf. Hjá Reitum vinnur fjölbreyttur hópur sérfræðinga að því að þróa lífleg borgarhverfi og tryggja vandaða umsjón með eignum. Í starfi okkar leggjum við áherslu á vellíðan, jafnrétti og tækifæri til starfsþróunar – allt í takt við gildin okkar: jákvæðni, fagmennska og samvinna. Reitir er almenningshlutafélag skráð í Kauphöll Íslands og byggir á traustri arfleifð með skýra framtíðarsýn.

About

Verkefnastjóri í fasteignaumsjón

Reitir óska eftir að ráða að verkefnastjóra í fasteignaumsjón til að sinna fjölbreyttum og áhugaverðum verkefnum þar sem frumkvæði, sjálfstæði og skipulag skipta lykilmáli. Starfið felur í sér reglubundið eftirlit með fasteignum í eignasafni félagsins, úrvinnslu verkefna og eftirfylgni þeirra. Viðkomandi heyrir undir svið viðskiptavina en vinnur jafnframt náið með framkvæmdasviði félagsins.

Við leitum að þjónustulunduðum, jákvæðum og drífandi einstaklingi með gott verkvit, útsjónarsemi og skilning á fasteignum og umsýslu þeirra.

Helstu verkefni og ábyrgð

Sinna reglubundnu eftirliti fasteigna í eigu félagsins
Samskipti við leigutaka og aðra hagaðila
Móttaka, skráning, úrvinnsla og eftirfylgni verkbeiðna frá leigutökum
Rýna í ástand eigna og leysa ýmis viðhaldsverkefni ásamt því að meta hvenær kalla þarf til fagaðila og fylgja því eftir

Menntunar- og hæfniskröfur

Iðnmenntun er mikill kostur eða önnur menntun sem nýtist í starfi
Þekking og reynsla af iðnstörfum, framkvæmdum og viðhaldi fasteigna
Þekking á helstu tölvukerfum (Microsoft)
Góð samskiptahæfni og áhugi á að byggja upp farsælt samstarf við viðskiptavini og aðra hagaðila
Skipulagshæfni og geta til að vinna bæði sjálfstætt og í teymisvinnu í fjölbreyttum verkefnum
Jákvætt viðhorf, góð hæfni í mannlegum samskiptum og lausnamiðuð hugsun
Góð íslenskukunnátta

Umsóknarfrestur er til og með 18.febrúar. Sótt er um starfið hér í gegnum heimasíðu Reita.

Nánari upplýsingar um starfið veita Ingveldur Ásta Björnsdóttir, framkvæmdastjóri viðskiptavina ([email protected]) og Margrét Helga Jóhannsdóttir, forstöðumaður þjónustu ([email protected]).

Reitir er leiðandi fyrirtæki í fasteignaþróun ásamt rekstri og eignarhaldi atvinnuhúsnæðis. Innan eignasafns Reita eru um 460 þús. fermetrar atvinnuhúsnæðis í rekstri auk 140 þús. fermetra atvinnuhúsnæðis og 700 íbúða í þróun.  

Reitir leggja áherslu á sjálfbæra uppbyggingu innviða og langtíma leigusambönd þar sem sameiginlegur ávinningur leigutaka, okkar og samfélagsins er í forgrunni. Fyrirtækið er almenningshlutafélag skráð í Kauphöll síðan 2015. Eigendur eru að stærstum hluta íslenskir lífeyrissjóðir.   

Advertisement published28. January 2025

Application deadline18. February 2025

Language skills