Verkefnastjóri á fasteignasviði

Fasteignasvið Bláa Lónsins óskar eftir verkefnastjóra. Verkefnastjóri heyrir undir forstöðumann sviðsins og er í daglegum samskiptum við starfsmenn deildarinnar, verktaka, birgja og starfsmenn annarra eininga fyrirtækisins.

Leitað er að framtakssömum einstaklingi með góða tölvukunnáttu. Viðkomandi þarf að vera fær í samskiptum og hafa brennandi áhuga á að taka þátt í að skapa framúrskarandi umhverfi fyrir bæði gesti og starfsfólk með því að stýra verkefnum í fasteignarekstri og -viðhaldi á árangursríkan hátt.

Fasteignasafn Bláa Lónsins nær yfir eignir í Svartsengi og víðar um land, m.a. Highland Base í Kerlingarfjöllum. Gert er ráð fyrir að Fjallaböðin í Þjórsárdal, sem áætlað er að opni 2028, bætist við safnið.

Helstu verkefni og ábyrgð

• Vinna að undirbúningi, skipulagi og stjórnun verkefna tengdum fasteignarekstri og -viðhaldi
• Gerð kostnaðar- og framkvæmdaáætlana
• Umsjón með og þróun á fasteigna- og hússtjórnarkerfum
• Móttaka, rýni og úthlutun verkbeiðna og eftirfylgni þeirra
• Gagnagreining og umsjón með skipulagi á vistun gagna
• Utanumhald samskipta og samninga við verktaka og birgja

Menntunar og hæfniskröfur

• Tæknimenntun eða háskólamenntun sem nýtist í starfi.
• Menntun í byggingarfræði, byggingartæknifræði eða byggingarverkfræði er kostur
• Reynsla af verkefnastjórnun, fasteignaumsjón eða öðru sambærilegu er kostur
• Framúrskarandi tölvu- og tækniþekking
• Áreiðanleiki, fagmennska og lausnamiðuð nálgun
• Metnaður, framtakssemi og geta til að starfa sjálfstætt
• Jákvæðni og góð samskipta- og samstarfshæfni
• Góð íslenskukunnátta og geta til að tjá sig á íslensku og ensku í töluðu og rituðu máli

Nánari upplýsingar um starfið veitir Matthías Ásgeirsson forstöðumaður fasteignareksturs- og viðhalds, [email protected].

Bláa Lónið er lifandi og skemmtilegur vinnustaður þar sem áhersla er lögð á sífellda þróun og nýsköpun. Í boði er starf á vinnustað sem býður upp á fjölbreyttar og krefjandi áskoranir. Einnig eru ýmis fríðindi í boði, eins og heilsuræktarstyrkur, þátttaka í einu öflugasta starfsmannafélagi landsins og fleira.