Veitingastjóri á Sjálandi í Garðabæ

Vegna aukinna umsvifa leitum við að öflugum og drífandi veitingastjóra á Sjálandi í Garðabæ. Starfið felur jafnframt í sér þátttöku í öðrum spennandi verkefnum innan Múlakaffis.

Við leitum að einstaklingi sem hefur brennandi áhuga á framúrskarandi þjónustu, nýtur þess að leiða gott teymi og vill taka virkan þátt í áframhaldandi uppbyggingu Sjálands á næstu misserum.

Um fjölbreytt og sveigjanlegt starf er að ræða og tekur vinnutími mið af starfsemi Sjálands og felur því meðal annars í sér vinnu á kvöldin og um helgar.

Sjáland er glæsilegur veitinga- og veislustaður við sjávarsíðuna í Garðabæ. Þar eru haldnir fjölbreyttir viðburðir, svo sem brúðkaup, afmæli, árshátíðir, fyrirtækjaviðburðir og jólaveislur. Sjáland er hluti af Múlakaffi, rótgrónu fjölskyldufyrirtæki og leiðandi afli á íslenskum veitingamarkaði.

Við bjóðum spennandi stjórnunarstarf, fjölbreytt verkefni og tækifæri til að hafa raunveruleg áhrif á áframhaldandi uppbyggingu Sjálands og Múlakaffis.

Höfum gaman saman – lífið er veisla