Vaktstjóri á þjónustuborð - helgarstarf

Ert þú með góða þjónustulund, öguð vinnubrögð og hefur gaman af samskiptum við fólk? Ef svo er, þá gætum við verið að leita af þér!

Nú leitum við af vaktstjóra á þjónustuborð í hlutastarf. Þjónustuborð tilheyrir afgreiðslu-, og kassasvæði verslunarinnar. Hlutverk þjónustuborðs er að þjónusta viðskiptavini okkar með því að veita upplýsingar um þjónustu fyrirtækisins, taka á móti greiðslum, skilavörum, gallamálum, afhenda pantanir og gera uppgjör.

Hlutverk vaktstjóra er að veita viðskiptavinum slíka þjónustu sem og að vera daglegur leiðtogi starfsfólks á afgreiðslu-, og kassasvæði bæði í verslun og í timbursölu. Jafnframt ber vaktstjóra að tryggja gott flæði á afgreiðslukössum. Starfsfólk á þjónustuborði og afgreiðslukassa á fyrstu og síðustu samskiptin í heimsókn viðskiptavina og er því mikilvægt að þjónustulund og viðmót sé gott.

Lágmarksaldur er 18 ára.

Að öllu jöfnu er unnið aðra hverja helgi, með möguleika á aukavinnu á virkum dögum.

Vaktstjóri svarar til þjónustustjóra.