Umsóknir fyrir ungmenni með fötlun
Starfs – og félagsmiðstöðin Höfuð-Borgin er fyrir ungmenni með fötlun á aldrinum 17-25 ára og er starfsemin sniðin að þörfum og getu hvers og eins.
Höfuð-Borgin er með aðsetur í Roðasölum 1, 200 Kópavogi.
Í verkefnum Höfuð-Borgarinnar er lögð áhersla á hefðbundna sumarvinnu hjá Kópavogsbæ í samvinnu við ungmennin, sem aðstoðar með kynningu á almennum vinnumarkaði.
Einnig er boðið upp á faglegt og skemmtilegt félagsmiðstöðvarstarf.
Tveir valmöguleikar eru en hægt er að sækja um að fá stuðning í starfi og þá kemur stuðningur með viðkomandi í vinnu á hverjum degi. Einnig er hægt að sækja um að vera sjálfstæður í starfi og þá sjá starfsmenn Höfuð-Borgarinnar um að finna viðeigandi vinnu fyrir viðkomandi og borga laun hans, annars sér hann um sig sjálfur á vinnumarkaði.
Launakjör eru samkvæmt kjarasamningi Sambands íslenskra sveitarfélaga og Starfsmannafélags Kópavogs.
Starfstímabil er frá 1. júní – 30. júlí 2026.
Nánari upplýsingar veitir Brynhildur Bergmann Kjartansdóttir forstöðukona Höfuð-Borgarinnar í gegnum tölvupóstfangið [email protected] eða símum 441-9395 / 825-5913.
