Húsfélagið Breiðablik

Umsjónarmaður fasteigna

Stjórn húsfélagsins Breiðablik Efstaleiti 10-12-14 leitar að ábyrgum og traustum aðila í starf við þjónustu og umsjón með fasteign. Starfið felur í sér m.a. þjónustu, eftirlit með húsi og aðgengi og daglegu viðhaldi ásamt öðrum tilfallandi störfum. Mikið er lagt upp úr góðu samstarfi milli umsjónamanns fasteignar og íbúa.

Húsið var byggt 1985 og ár hvert er unnið að viðhaldsverkefnum innanhúss og utan, eftir þörfum. Umsjónamaður fasteignar er tengill við verktaka í samráði við formann húsfélagsins.

Formaður er yfirmaður starfsmanns í umboði stjórnar.

Helstu verkefni og ábyrgð

Umsjón og eftirlit með ástandi fasteignarinnar, ræsting og viðhald.
Umsjón með hreinsikerfi og stjórnkerfi sundlaugar og potta.
Ræsting á sameign ásamt bílageymslu eftir þörfum.
Öryggis- og hússtjórnarkerfi.
Annast þrif, snyrtingu og slátt lóðar.
Samskipti við verktaka og eftirlit með framkvæmdum.
Önnur verkefni í samráði við yfirmann.

Menntunar- og hæfniskröfur

Menntun sem nýtist í starfi.
Reynsla af sambærilegu starfi er kostur.
Mjög góð þjónustulund og hæfni í mannlegum samskiptum.
Skipulagshæfni, frumkvæði og sveigjanleiki.
Reglusemi.
Hreint sakavottorð er skilyrði.
Góð íslensku- og enskukunnátta.

Fríðindi í starfi

Húsfélagið sér umsjónarmanni fyrir íbúð á jarðhæð ásamt rafmagni, hita og síma.
Íbúðinni fylgir geymsla og bílastæði í kjallara.
Bifreiðastyrkur.
Áskilið er að húsvörður búi á staðnum.

Í blokkinni Breiðablik, Efstaleiti 10-12-14 eru 35 íbúðir auk íbúðar umsjónamanns fasteignarinnar. Sameign er mikil, breiðir gangar og m.a. veislusalur til útleigu fyrir íbúa, setustofa, líkamsrækt, tvö búningsherbergi og á útisvæði eru tveir pottar og 12 metra sundlaug. Allar íbúðir hafa afnot að bílakjallara.

Húsið er ekki formlega skilgreint fyrir eldri borgara en eigendur allir eru um og yfir sextugt.

Umsóknarfrestur er til og með 8. febrúar n.k.

Umsókn þarf að fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Garðar Óli Ágústsson ([email protected]) og Jensína K. Böðvarsdóttir ([email protected]).