Umsjónarfólk í fyrirlögn prófa fyrir alþjóðlegu menntarannsóknina TIMSS
Laus eru til umsóknar 10 tímabundin störf umsjónarfólks hjá Menntavísindastofnun Menntavísindasviðs Háskóla Íslands. Verkefni umsjónarfólks felast í framkvæmd á forprófun fyrir alþjóðlegu menntarannsóknina TIMSS (e. Trends in International Mathematics and Science Study), á Íslandi. Rannsóknin metur námsárangur nemenda í 5. og 9. bekk í stærðfræði og náttúrufræði um allan heim og fer forprófunin fram í 30 grunnskólum.
Störfin eru er tímabundin og verða unnin á hefðbundnum skólatíma á tímabilinu frá 9. apríl til 7. maí 2026. Greitt verður fyrir störfin í tímavinnu. Störfin henta fólki sem hefur áhuga á að kynnast vettvangi skólanna og taka þátt í stóru alþjóðlegu rannsóknarverkefni.
-
Hafa umsjón með prófstofu, móttaka nemenda og utanumhald nemendahópsins
-
Kynna þátttakendum könnunarinnar staðlaðar leiðbeiningar og útskýra fyrir þeim framkvæmdina skýrt og greinilega
-
Aðstoða þátttakendur við innskráningu í rafrænt prófkerfi
-
Hafa yfirsýn í prófstofu á meðan fyrirlögn fer fram, tryggja árangursríka, faglega fyrirlögn og góðan vinnufrið
-
Reynsla af starfi með börnum eða unglingum
-
Örugg og fagleg framkoma
-
Góð íslenskukunnátta í ræðu og riti
-
Góður lesskilningur í ensku
-
Almenn ökuréttindi
-
Sjálfstæði, stundvísi og góð almenn tölvukunnátta
Icelandic
English
