Tollverðir í Keflavík – lifandi störf í litríku umhverfi
Stöður tollvarða í Keflavík eru lausar til umsóknar hjá Skattinum - Tollgæslu Íslands. Störf tollvarða eru fjölbreytt og lifandi sem henta traustu og ábyrgu fólki af öllum kynjum.
Reynsla og þekking úr öðrum störfum nýtist vel í starfi tollvarða. Háskólamenntun er einnig eftirsóknarverð þar sem í mörgum verkefnum er áhersla á greiningarhæfni, talnalæsi, tölfræði, skýrslugerð og tölvufærni.
Í tengslum við ráðningu tollvarða þurfa umsækjendur að þreyta inntökupróf/líkamsgetupróf en tímasetning þess verður gefinn upp um leið og umsóknarfrestur rennur út. Umsækjendur eru hvattir til að kynna sér nánari upplýsingar um prófið á vefslóðinni Inntökupróf | Skatturinn - skattar og gjöld.
Tollgæslan sér um eftirlit með inn- og útflutningi vara samkvæmt tollalögum. Eftirlitinu er ekki eingöngu framfylgt til að innheimta tolla og gjöld af vörum heldur einnig til þess að framfylgja öryggisráðstöfunum, umhverfissjónarmiðum, neytendavernd, hugverkarétti, menningar- og náttúruvernd.
Tollgæslan hefur eftirlit og stöðvar ólöglegan innflutning fíkniefna og annan ólöglegan innflutning. Tollgæslan hefur samvinnu í slíkum málum við lögreglu, landhelgisgæsluna og aðrar viðeigandi ríkisstofnanir.
- Greining á áhættu í vöru- og farþegaflæði og úrvinnsla gagna.
- Sérhæfðar leitir m.a. með gegnumlýsingarbúnaði, svo sem í farangri og í vörusendingum.
- Almennt tolleftirlit á vettvangi svo sem í flugstöð, flugvélum, vöruhúsum og á hafnarsvæðum.
- Stúdentspróf eða menntun sem má meta til jafns við það.
- Háskólamenntun er kostur.
- Greiningarhæfileikar.
- Gott vald á íslensku, ensku og einu Norðurlandamáli.
- Hæfni til að tjá sig í ræðu og riti.
- Gott andlegt og líkamlegt atgervi.
- Samviskusemi, nákvæmni og traust vinnubrögð.
- Hæfni í mannlegum samskiptum.
- Íslenskur ríkisborgararéttur.
- Almenn ökuréttindi.
- 20 ára aldurstakmark.
- Hreint sakavottorð.
IcelandicVery good
