Þjóðminjasafn Íslands

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins: Þjóð verður til - menning og samfélag í 1200 ár.

About

Þjónustufulltrúi á Þjóðminjasafni Íslands

Þjóðminjasafn Íslands óskar eftir að ráða starfsfólk í stöðu þjónustufulltrúa. Um er að ræða vaktavinnu og er starfshlutfall 76%. Hlutverk starfsfólks er að taka vel á móti gestum, fræða og veita góða upplifun og framúrskarandi þjónustu í móttöku, á sýningum, í safnbúð og á kaffihúsi safnsins. Allir starfsmenn sem sinna starfi þjónustufulltrúa fá úthlutuðum einkennisfatnaði.

Helstu verkefni og ábyrgð

Þjónusta við gesti safnsins í móttöku, sýningarsölum, á kaffihúsi og í safnbúð
Framúrskarandi gestgjafi
Upplýsingagjöf til safngesta
Leiðsögn á íslensku og ensku
Afgreiða og þjónusta gesti á kaffihúsi safnsins
Afgreiða og þjónusta gesti í safnbúð
Aðstoða við öryggisgæslu í sýningarsölum

Menntunar- og hæfniskröfur

Rík þjónustulund, sjálfstæð vinnubrögð, dugnaður og snyrtimennska eru skilyrði
Hæfni til að koma fram og fara með leiðsagnir skilyrði
Góð hæfni í mannlegum samskiptum og eiga auðvelt með að miðla upplýsingum er skilyrði
Hefur ánægju af því að vinna með fólki og þjónusta fólk
Tala og rita íslensku og ensku er skilyrði
Þekking á fleiri tungumálum mikill kostur
Góð og farsæl reynsla af þjónustustörfum mikill kostur
Áhugi á menningararfi og listum er kostur
Umsækjandi þarf að hafa náð 20 ára aldri

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Þjóðminjasafn Íslands er vísinda- og þjónustustofnun og höfuðsafn á sviði menningarminja og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar. Þjóðminjasafn Íslands starfar á grundvelli safnalaga nr. 141/2011, lögum um Þjóðminjasafn Íslands nr. 140/2011 og lögum um menningarminjar nr. 80/2012.

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar.

Umsókn skulu fylgja yfirlit og greinargóðar upplýsingar um störf umsækjenda og menntun ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Um hlutastarf er að ræða og æskilegt er að viðkomandi hefji störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.

Advertisement published20. August 2025

Application deadline1. September 2025

Language skills