Stjórnsýslu-og fjármálasvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Stjórnsýslu-og fjármálasvið sér um atvinnu-og menningarmál, fjármál og stjórnsýslu sveitarfélagsins. Á sviðinu starfa um 40 starfsmanneskjur.

About

Þjónustufulltrúi á skrifstofu á Djúpavogi

Laust er til umsóknar 55% starf þjónustufulltrúa á skrifstofu Múlaþings á Djúpavogi. Æskilegt er að starfsmaður geti hafið störf sem fyrst. Um framtíðarstarf er að ræða.

Starfsstöð er á skrifstofu sveitarfélagsins við Bakka 1 á Djúpavogi og því æskilegt að viðkomandi sé búsettur á Djúpavogi. Vinnutími er kl. 10 til 14 virka daga.

Næsti yfirmaður er skrifstofustjóri Múlaþings.

Helstu verkefni og ábyrgð

Taka á móti þeim sem eiga erindi við sveitarfélagið á skrifstofu á Djúpavogi, veita upplýsingar og leiðbeina
Símsvörun og upplýsingagjöf í síma
Aðstoða við frágang skjala í málakerfi í samráði við skjalastjóra

Menntunar- og hæfniskröfur

Stúdentspróf eða sambærileg menntun sem nýtist í starfi
Reynsla af störfum hjá stjórnsýslu sveitarfélags kostur
Þekking á almennum tölvuforritum og leikni í upplýsingatækni
Reynsla af skrifstofusstörfum kostur
Samskipta- og skipulagshæfni, frumkvæði, sjálfstæði og metnaður
Mjög góð íslenskukunnátta og færni í textagerð. Góð enskukunnátta
Góð þjónustulund og öguð og nákvæm vinnubrögð

Fríðindi í starfi

Heilsueflingarstyrkur

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Öllum umsóknum skal fylgja yfirlit yfir nám og fyrri störf, afrit af prófskírteini ásamt kynningarbréfi. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Óðinn Gunnar Óðinsson skrifstofustjóri í síma 4700700 eða á netfanginu [email protected]

Tekið er mið af jafnréttisáætlun Múlaþings við ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published6. May 2025

Application deadline30. May 2025

Language skills