Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

About

Þjónustufulltrúar vegna utankjörfundaratkvæðagreiðslu

Tímabundnar stöður þjónustufulltrúa vegna utankjörfundaratkvæðagreiðslu eru lausar til umsóknar.
Fyrirhugaðar kosningar eru 30. nóvember næstkomandi og utankjörfundaratkvæðagreiðsla er fyrirhuguð frá 7. – 30. nóvember 2024 . Þjónustufulltrúi ber ábyrgð á að þjónusta kjósendur sem kjósa utankjörfundar hjá Sýslumanninum á höfuðborgarsvæðinu í Holtagörðum. Þjónustufulltrúi ber ábyrgð á að taka á móti, afgreiða og skrá gögn og leysa farsællega úr verkefnum. Þjónustufulltrúi skal vinna að faglegri afgreiðslu mála samkvæmt lögbundnum verkferlum.

Helstu verkefni og ábyrgð

Þjónusta við kjósendur sem kjósa utankjörfundar
Skráning, frágangur og pökkun gagna skv. leiðbeiningum
Upplýsingagjöf, leiðbeiningar og samskipti við kjósendur
Önnur tilfallandi verkefni, að beiðni yfirmanns

Menntunar- og hæfniskröfur

Stúdentspróf
Hreint sakavottorð
Nákvæmni og traust vinnubrögð
Góð samskiptafærni og þjónustulund og geta til að takast á við áskoranir
Hæfni til að miðla upplýsingum
Álagsþol og þrautseigja
Góð tölvukunnátta
Íslensku- og enskukunnátta í töluðu máli

Umsókn skal skilað í gegnum umsóknarkerfi Alfred.is og þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni umsækjanda í starfið. Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út.
Nánari upplýsingar um starfið veitir Þóra Björk Eysteinsdóttir, mannauðsstjóri sýslumannsins á höfuðborgarsvæðinu (thora.bjork.eysteinsdottir@syslumenn.is).

Um tímavinnu er að ræða og er vinnutími frá kl. 09:45 – 16:00, alla virka daga frá 7. – 30. nóvember 2024. Um launakjör fer eftir kjarasamningi fjármála- og efnahagsráðherra og Sameykis.

Umsóknarfrestur er til og með 25. október 2024.

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Advertisement published16. October 2024

Application deadline25. October 2024

Language skills