Talmeinafræðingur

Skóla- og frístundadeild Vesturmiðstöðvar auglýsir laust til umsóknar starf talmeinafræðings við grunnskóla.

Talmeinafræðingar starfa samkvæmt menntastefnu Reykjavíkurborgar „Látum draumana rætast“ og stefnu um skóla án aðgreiningar. Talmeinafræðingar, í samstarfi við annað starfsfólk, taka þátt í að efla málþroska og læsi nemenda með árangur í námi að leiðarljósi. Starfsstöð er í skóla- og frístundadeild Vesturmiðstöðvar í Borgartúni 12-14 en starfið fer að stórum hluta til fram í grunnskólum í vesturhluta borgarinnar, þ.e í Miðborg, Vesturbæ og Hlíðum.

Vesturmiðstöð er ein fjögurra þjónustumiðstöðva Reykjavíkurborgar, þar starfar öflugur þverfaglegur hópur sérfræðinga í málefnum barna og ungmenna.

Um er að ræða fullt starf en ráðið verður frá 15. ágúst 2026.

Helstu verkefni og ábyrgð

Greina talmeina og málþroskavanda barna með áherslu á áætlanagerð og eftirfylgd til starfsfólks, skóla og foreldra ásamt talþjálfun eftir atvikum.
Þátttaka í teymisvinnu með starfsfólki grunnskóla og að veita ráðgjöfum viðeigandi úrræði vegna málhljóða- og málþroskaraskanna auk annarra talmeina.
Samstarf við þjónustuveitendur sem koma að greiningu og þjálfun nemenda í skólaþjónustu.
Þátttaka í fræðslu um málþroska, málþroskaröskun og áhrif hennar á möguleika til menntunar.
Leiðbeina og fræða foreldra um málþroska og leiðir til að efla hann.
Þátttaka í þróun skólastarfs er varðar málþroska og læsi í samvinnu við stjórnendur skóla og samstarfsfólk.
Stuðla að fyrirbyggjandi aðgerðum varðandi málþroska og læsi barna á grunnskólaaldri með því að beita snemmtækri íhlutun ásamt því að vera þátttakandi í skipulagðri íhlutun og kennslu.

Menntunar- og hæfniskröfur

Háskólapróf í talmeinafræði og leyfi til að starfa sem talmeinafræðingur.
Þekking og reynsla af skólastarfi æskileg.
Lipurð og sveigjanleiki í samskiptum.
Hæfni til að sinna fræðslu og ráðgjöf til nemenda, starfsmanna og foreldra.
Góð almenn tæknikunnátta, svo á fjarkennslubúnað og rafrænar lausir í þjónustu við nemendur, er nauðsynleg.
Frumkvæði, sjálfstæð vinnubrögð og skipulagshæfni.
Faglegur metnaður til að efla málþroska og læsi nemenda.
Góð íslenskukunnátta og hæfni til að tjá sig í ræðu og riti.

Fríðindi í starfi

36 stunda vinnuviku í fullu starfi
Heilsustyrkur, menningarkort og frítt í sund
Samgöngusamningur
Gott mötuneyti

Krafist er hreins sakavottorðs í samræmi við lög sem og reglur reglur Reykjavíkurborgar. Umsókn fylgi stuttur rökstuðningur fyrir hæfni viðkomandi í starfið, yfirlit yfir nám og fyrri störf, leyfisbréf talmeinafræðinga og annað er málið varðar.

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Svandís Egilsdóttir fagstjóri grunnskóla á skóla- og frístundaskrifstofu Vesturmiðstöðvar: s. 411-1111 og [email protected]

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Advertisement published30. January 2026

Application deadline19. February 2026

Language skills