Sviðsmaður

Harpa leitar að drífandi og lausnamiðuðum sviðsmanni í öflugt teymi á viðburða- og tæknisviði. Starfið hentar einstaklingi sem nýtur sín í hringiðu tónleika, menningarviðburða og ráðstefna og hefur gaman af fólki og fjölbreyttum verkefnum.

Sviðsmaður sinnir alhliða tæknilegum undirbúningi, þarfagreiningu og verkstjórn viðburða auk þess að sinna umhirðu og viðhaldi búnaðar. Sviðsmaður vinnur náið með verkefnastjórum, listafólki og viðskiptavinum og sér til þess að hver viðburður gangi vel fyrir sig, frá uppsetningu til niðurtektar. Sviðsmaður heyrir undir sviðsstjóra í skipuriti.

Um fullt starf er að ræða. Unnið er samkvæmt vaktafyrirkomulagi sem nær einnig yfir kvöld og helgar.