Íþróttamiðstöðvar Fjarðabyggðar

Íþróttamiðstöðvar Fjarðabyggðar samanstanda af íþróttahúsum í hverjum kjarna, sundlaugum, Fjarðabyggðarhöllinni og skíðasvæðinu í Oddsskarði. Í Fjarðabyggð eru fimm íþróttamiðstöðvar ásamt Fjarðabyggðarhöllinni á Reyðarfirði. Íþróttamiðstöðvarnar eru nýttar sem skólamannvirki, til æfinga og fyrir almenning. Í sveitarfélaginu eru einnig glæsilegar útisundlaugar á Norðfirði og Eskifirði, með heitum pottum, sundrennibrautum og frábærri aðstöðu. Á Fáskrúðsfirði er notaleg innilaug með heitum útipotti. Á Stöðvarfirði og í Breiðdal eru litlar útilaugar ásamt heitum pottum í fallegu umhverfi. Skíðasvæðið Oddsskarð er eitt skemmtilegasta skíðasvæði landsins. Á skíðasvæðinu eru tvær toglyftur og barnalyfta, góð aðstaða fyrir brettafólk og skíðaskáli með veitingaaðstöðu.

About

Svæðisstjóri skíðasvæðisins í Oddsskarði

Yfirumsjón með daglegri starfsemi svæðisins, bæði utandyra á svæði og innandyra í skála. Umsjón með öryggis- og gæslumálum á svæðinu. Umsjón með viðhaldi tækja, búnaðar og fasteigna á skíðasvæðinu í samráði við forstöðumann og viðhaldsstarfsmenn. Samskipti og samvinna við hagsmunaaðila vegna starfsemi skíðasvæðisins. Tryggir að aðstaða og þjónusta í skíðaskálanum sé í góðu ástandi og gerir tillögur að úrbótum eftir þörfum í samráði við forstöðumann. Fylgist með tekjum og kostnaði í daglegum rekstri skíðasvæðisins og veitir forstöðumanni upplýsingar um þróun rekstrarins.

Helstu verkefni og ábyrgð

Skipuleggur daglegan rekstur svæðisins í samstarfi við forstöðumann.
Hefur umsjón með öryggis- og gæslumálum, bæði í skíðaskála og á útisvæði.
Tryggir að viðhald og eftirlit með tækjum og búnaði sé framkvæmt reglulega, m.a. á lyftum, snjótækjum og öðrum búnaði svæðisins.
Fylgist með veður- og aðstæðubreytingum og grípur til viðeigandi aðgerða í samráði við forstöðumann.
Hefur yfirumsjón með birgðahaldinu fyrir rekstur svæðisins, s.s. eldsneyti, öryggisbúnaði og viðhaldsvörum.
Skipuleggur og hefur umsjón með viðhaldsverkefnum á skíðasvæðinu, bæði innandyra og utandyra.
Heldur uppi samstarfi við Veðurstofu Íslands, lögreglu og aðra eftirlitsaðila.

Menntunar- og hæfniskröfur