Svæðisstjóri fyrir Suð-vesturland

Skeljungur óskar eftir að ráða svæðisstjóra fyrir suð-vesturland á rekstrarsviði félagsins með starfstöð við Eyjaslóð 7, Reykjavík. Við leitum að jákvæðum, öflugum og metnaðarfullum aðila sem þrífst í hröðu og síbreytilegu umhverfi. Svæðisstjóri sér meðal annars um stýringu og daglega umsjón með verkefnum starfsmanna dreifingar í Reykjavík ásamt umsjón með afgreiðslustöðum og búnaði.

Hlutverk Skeljungs er að þjóna orkuþörf fyrirtækja á hagkvæman og öruggan máta í sátt við samfélagið og umhverfið sitt. Fyrirtækið sér um dreifingu eldsneytis, innkaup og heildsölu á eldsneyti, smurolíum, áburði, hreinsi- og efnavörum og öðrum vörum til fyrirtækja.

Hjá Skeljungi starfar fjölbreytt flóra fólks á öllum aldri. Mannauðurinn er mikilvægasta auðlind Skeljungs. Við berum hag starfsmanna fyrir brjósti og viljum vera í fremstu röð hvað varðar réttindi þeirra, öryggi og starfsumhverfi. Í okkar daglega starfi vinnum við eftir kjarnagildunum okkar, við erum jákvæð, við erum tilbúin í breytingar og við erum metnaðarfull.