Sumarstörf 2025 í vöruhúsi Garra

Við viljum ráða duglega og áreiðanlega starfsmenn í sumarafleysingar. Aldurstakmark er 18 ár. Vinnutíminn er frá kl. 7 til 16 mánudaga, þriðjudaga og miðvikudaga og frá kl. 8 til 16:15 fimmtudaga og föstudaga. Á tveggja eða þriggja vikna fresti eru kvöldvaktir í eina viku í stað dagvinnu. Kvöldvaktir eru frá sunnudögum til fimmtudaga.

Garri sérhæfir sig í innflutningi og sölu á gæðamatvöru, matvælaumbúðum og hreinlætislausnum fyrir veitingastaði, hótel, bakarí, mötuneyti, skóla og aðra opinbera aðila og fyrirtæki. Jafnframt sérhæfir Garri sig í heildarlausnum á rekstrar- og hreinlætisvörum fyrir fyrirtæki og opinberar stofnanir. Hjá Garra starfa um 100 starfsmenn með víðtæka hæfni og þekkingu.