Vinnueftirlitið

Hjá Vinnueftirlitinu starfar metnaðarfullur og samheldinn hópur sem leggur áherslu á að ná fram því markmiði að öll komi heil heim úr vinnu. Við leitumst við að vera fyrirmyndarvinnustaður á sviði vinnuverndar og viljum að fagþekking starfsfólks sé eftirsótt til ráðgjafar í íslensku atvinnulífi. Við störfum saman í fagteymum og höfum skilvirka og vandaða stjórnsýslu að leiðarljósi. Vinnueftirlitið býður fjölskylduvænt starfsumhverfi, samkeppnishæf starfskjör og tækifæri til að þróast og þroskast í starfi.

About

Sumarafleysing - Þjónustuver Vinnueftirlitsins

Viltu ganga til liðs við okkur hjá Vinnueftirlitinu?

Við leitum að sjálfstæðum og drífandi einstaklingi í sumarafleysingar í þjónustuverinu okkar. Um tímabundið starf er að ræða sumarið 2025.

Jákvætt, opið og lausnarmiðað hugarfar eru eiginleikar sem við leitum að.

Um er að ræða 100% starf sem er sinnt frá starfstöð Vinnueftirlitsins í Reykjavík.

Helstu verkefni og ábyrgð

Þjónustufulltrúar annast móttöku og afgreiðslu fyrirspurna frá viðskiptavinum í gegnum síma, netspjall, tölvupóst og afgreiðslu ásamt því að veita ráðgjöf, sinna skráningu og úrvinnslu beiðna.

Menntunar- og hæfniskröfur

Stúdents eða iðnmenntun
Frumkvæði og framsýni
Góð hæfni í samskiptum og rík þjónustulund
Reynsla af vinnuverndar- og öryggisstörfum er kostur
Góð almenn tölvukunnátta og færni er nauðsynleg
Góð kunnátta í íslensku og ensku, bæði í rituðu og töluðu máli er skilyrði
Reynsla af sambærilegu starfi er æskileg

Vinnueftirlitið þróast í takt við örar breytingar á vinnumarkaði og leggur sig fram við að vera góður vinnustaður með heilbrigða vinnustaðamenningu. Markmiðið er að stuðla að bættri vellíðan, heilsu og öryggi starfsfólks þannig að öll komi heil heim. Laun eru samkvæmt kjarasamningum opinbers starfsfólks og er markmið Vinnueftirlitsins að greiða laun eins og best gerist hjá ríkinu. Við bjóðum fjölskylduvænt starfsumhverfi og tækifæri til að þróast og þroskast í starfi.

Umsókn skal fylgja ferilskrá með upplýsingum um umsagnaraðila ásamt kynningarbréfi þar sem gerð er grein fyrir ástæðu umsóknar og rökstudd hæfni viðkomandi sem nýtast mun í starfinu.

Umsóknarfrestur er til og með 28.apríl næstkomandi.

Tekið skal fram að umsóknir geta gilt í sex mánuði frá því að umsóknarfrestur rennur út og öllum umsóknum verður svarað.

Vinsamlegast sækið um á alfred.is. Við hvetjum við öll áhugasöm til að sækja um.

Nánari upplýsingar veitir Bergrún Lilja Sigurjónsdóttir, sviðsstjóri fólks, upplýsinga og þróunar ([email protected])

Nánari upplýsingar um stofnunina má finna á vefsíðu hennar www.vinnueftirlitid.is

Advertisement published16. April 2025

Application deadline28. April 2025

Language skills