Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

About

Starfsmaður óskast í innkaupa- og lagerstarf

Sensa leitar að öflugum og skipulögðum einstaklingi til að ganga til liðs við söluteymi Sensa í fjölbreytt innkaupa- og lagerstarf.

Viðkomandi mun sinna verkefnum tengdum birgðahaldi, móttöku, afhendingu vara, samskiptum við birgja og þróun ferla. Mikil áhersla er lögð á frumkvæði, nákvæmni og góða samskiptahæfni.

Starfið verður mótað í samráði við starfsmanninn þar sem styrkleikar og áhugasvið verður nýtt til fulls. Því hvetjum við fólk með fjölbreytta reynslu eða sérþekkingu – hvort sem það er úr lagerstörfum, innkaupum, aðfangakeðju, upplýsingakerfum eða öðru – til að sækja um.

Helstu verkefni og ábyrgð

Dagleg störf á lager, móttaka og frágangur búnaðar
Umsjón með birgðahaldi og skráning í kerfi
Innkaup á vörum og samskipti við birgja
Skipulagning og eftirfylgni pantana
Þátttaka í umbótaverkefnum og ferlavinnu
Stuðningur við önnur störf innan teymisins
Önnur tilfallandi verkefni

Menntunar- og hæfniskröfur

Reynsla af lagerstörfum og/eða innkaupum er skilyrði
Góð skipulagshæfni og nákvæmni í vinnubrögðum
Færni í tölvukerfum og skráningarkerfum fyrir lager og innkaup
Reynsla af D365 er kostur en ekki skilyrði
Lipurð í samskiptum og mikil þjónustulund
Hæfni til að vinna sjálfstætt og í teymi
Bílpróf er skilyrði
Góð íslensku- og enskukunnátta er skilyrði

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta eru höfð að leiðarljósi. Starfsfólk er um 160 talsins, staðsett í tólf löndum í fjórum heimsálfum. Mikil áhersla er lögð á velferð starfsmanna, frábæran starfsanda og hvetjandi og skemmtilegt starfsumhverfi.  

Umsóknarfrestur er til og með 15. júní en unnið er úr umsóknum jafn óðum og þær berast.

Hjá Sensa leggjum við mikla áherslu á fjölbreytt vinnuumhverfi þar sem öll fá tækifæri til að njóta sín, óháð kyni, uppruna og bakgrunni.

Umsækjendur þurfa að skila inn sakavottorði.

Einungis er tekið á móti umsóknum í gegnum umsóknarkerfi Alfreðs.

Nánari upplýsingar um starfið veitir Mannauðssvið Sensa, í gegnum netfangið, [email protected]

Advertisement published6. June 2025

Application deadline15. June 2025

Language skills