Starfsmaður í verslun - fullt starf

Vegna aukinna umsvifa ætlum við að stækka GG Sport teymið okkar og leitum að hörkuduglegum einstaklingi í fullt starf í verslun okkar. Vinnutími er virka daga kl. 10-18 og af og til um helgar kl. 11-15. Réttur einstaklingur þarf að tala góða íslensku og geta hafið störf um miðjan ágúst eftir samkomulagi.

GG Sport er yfirgripsmikil útivistar-, ferða- og lífstílsverslun sem er þekkt fyrir hlýleika sinn og notalegt andrúmsloft.
Í versluninni starfar fagfólk sem vinnur í samvinnu að því að veita viðskiptavinum góða leiðsögn og þjónustu. Vöruúrval verslunarinnar er mikið og vegleg skíðadeild opnar yfir vetrartímann. Við óskum eftir traustum einstaklingi í hópinn sem vill starfa eftir gildum fyrirtækisins og leggja sig fram við að ná hámarksárangri í starfi.