Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

About

Starfsmaður í teymi tölulegra upplýsinga og rannsókna

Hefur þú áhuga á því að starfa við söfnun og framsetningu á mikilvægri tölfræði hjá Barna- og fjölskyldustofu?

Barna- og fjölskyldustofa leitar að starfsmanni í teymi tölulegra upplýsinga og rannsókna. Staðan heyrir undir farsældarsvið og næsti yfirmaður er framkvæmdastjóri sviðsins. Um 100% starf á starfsstöð á höfuðborgarsvæðinu er að ræða.

Helstu verkefni og ábyrgð

Söfnun tölulegra upplýsinga um þjónustu við börn, farsæld barna og barnavernd.
Samskipti við sveitarfélög, stofnanir og ráðuneyti vegna tölulegra upplýsinga.
Úrvinnsla og framsetning á tölulegum upplýsingum.
Önnur tilfallandi verkefni sem yfirmaður felur starfsmanni.

Menntunar- og hæfniskröfur

Grunnháskólamenntun sem nýtist í starfi t.d. innan félags-, uppeldis-, menntunar- og heilbrigðisvísinda.
Hæfni á SPSS eða sambærilegum forritum.
Hæfni til að setja saman texta og skrifa skýrslur út frá tölulegum upplýsingum.
Þekking á barnaverndarlögum og lögum um samþættingu þjónustu í þágu farsældar barna er kostur.
Mjög góða samskiptafærni, jákvætt viðhorf og hæfni til að vinna í teymi.
Frumkvæði, sveigjanleiki og sjálfstæði í vinnubrögðum.
Skipulagshæfni, nákvæmni og lausnamiðuð hugsun.
Mjög góð íslensku og ensku kunnátta í mæltu og rituðu máli.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða fullt starf. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfnikröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Fríðindi í starfi: