Starfsfólk óskast í vaktavinnu á fjölskylduheimili
Fjölskylduheimilið Hrafnkatla, staðsett að Digranesvegi í Kópavogi, leitar að ábyrgu starfsfólki til að starfa í vaktavinnu (2-2-3). Heimilið leiðir daglegt starf með fjórum ungmennum á aldrinum 15–20 ára sem þurfa öruggt, stöðugt og stuðningsríkt heimili – til skemmri eða lengri tíma.
Um er að ræða gefandi starf þar sem lögð er áhersla á að skapa traust, stuðla að jákvæðri daglegri rútínu og efla félagsfærni ungmennanna. Starfið felur í sér náið samstarf við ungmennin í þeirra daglega lífi og vinnu eftir tengslamyndandi nálgun.
Við leitum að einstaklingum sem eru tilbúnir að vinna í vaktakerfi og taka þátt í mikilvægu uppeldis- og stuðningshlutverki. Starfið hentar vel með námi. Reynsla af starfi með börnum eða ungmennum er kostur. Um að ræða bæði dagvaktir og næturvaktir.
- Veita ungmennum stuðning, umönnun og uppeldi í daglegu lífi.
- Stuðla að jákvæðri og stöðugri rútínu.
- Halda heimili og skapa öruggt, hlýlegt og uppbyggilegt umhverfi.
- Samstarf við barnavernd, fjölskyldur og aðra fagaðila.
- 23 ára og eldri.
- Menntun sem nýtist í starfi æskileg, má þar nefna félags-, heilbrigðis- og/eða menntavísindasviði.
- Reynsla af vinnu með börnum/ungmennum.
- Sveigjanleiki og færni í mannlegum samskiptum.
- Frumkvæði og jákvæðni í starfi.
- Hreint sakavottorð.
Fjölskylduheimilið að Digranesvegi er fyrir ungmenni á aldrinum 15 til 20 ára sem geta ekki búið hjá upprunafjölskyldu sinni og þurfa öruggt, stöðugt og stuðningsríkt heimili. Við tökum á móti ungmennum í neyðarvistun, tímabundið fóstur og langtíma fóstur. Markhópur heimilisins eru ungmenni sem ekki hafa fengið fósturheimili þrátt fyrir þörf eða hafa dvalið í fósturheimili en geta ekki lengur búið þar vegna annarra ástæðna. Í starfi heimilisins er lögð áhersla á einstaklingsmiðaða umönnun og uppeldi í heimilislegu og hlýlegu umhverfi. Við vinnum út frá tengslamyndandi nálgun og styðjumst við gagnreyndar aðferðir sem taka mið af þörfum hvers og eins. Áhersla er lögð á daglega rútínu, þátttöku í skóla, vinnu, frístund og/eða félagslífi. Náin samvinna er við barnaverndaryfirvöld og aðra fagaðila til að tryggja velferð, öryggi og farsæld ungmennanna.
Icelandic
