Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

About

Starf í bókhaldi í deild fjármála

Skatturinn leitar að áhugasömum aðila til að starfa með öflugum hópi starfsfólks á mannauðs- og fjármálasviði í höfuðstöðvum Skattsins í Katrínartúni í Reykjavík. Deild fjármála heyrir undir mannauðs- og fjármálasvið sem er stoðsvið sem ber ábyrgð á fjármálum, rekstri og mannauðsmálum stofnunarinnar og styður stjórnendur og starfsfólk við að ná markmiðum hennar með skilvirkri stjórnsýslu.

Gildi Skattsins eru fagmennska, framsækni og samvinna.

Helstu verkefni og ábyrgð

Um fjölbreytt verkefni er að ræða á sviði bókhalds, afstemminga, uppgjörs og upplýsingagjafar til stjórnenda.

Menntunar- og hæfniskröfur

Menntun á sviði bókhalds eða viðskipta. Háskólapróf og/eða viðurkenning sem bókari er kostur.
Haldbær reynsla af færslu bókhalds. Reynsla af bókhaldskerfi í Orra (bókhaldskerfi ríkisins) er kostur
Góð greiningarhæfni og færni í miðlun upplýsinga
Gott vald á íslensku í töluðu og rituðu máli
Skipulögð, nákvæm og sjálfstæð vinnubrögð
Rík þjónustulund, jákvæðni og góðir samskiptahæfileikar.
Hreint sakavottorð.

Nánari upplýsingar um starfið veitir Ásgeir Heimir Guðmundsson, sviðsstjóri mannauðs- og fjármálasviðs í síma 442-1000 eða með tölvupósti á netfangið [email protected]

Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi.

Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum verður svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Advertisement published8. January 2026

Application deadline19. January 2026

Language skills