Stafrænn hönnuður hjá Júní

Sérhver díll (e. pixel) á skilið þína athygli!
Við hjá Júní erum að leita að forvitnum hönnuði til að ganga til liðs við okkur tímabundið til eins árs, þó með möguleika á framtíðarráðningu.

Við erum á fullu að hanna og smíða stafrænar lausnir fyrir mörg af framsæknustu fyrirtækjum og stofnunum landsins. Verkefnin eru fjölbreytt, metnaðarfull og skapandi. Við vinnum að stórum sem smáum verkefnum sem snerta á vöruhönnun, mörkun, markaðsvefum og öppum.

Dagur í lífi hönnuðar hjá Júní gæti innifalið að uppfæra hönnunarkerfi, búa til prótótýpur, vinna með kúnnum að notendaflæðum eða þjálfa vöðvana í foosball í pásunni!

Ef þú hefur áhuga og langar til að taka þátt í skemmtilegri hönnunarferð – sendu okkur þá umsókn!