Vesturbyggð

Vesturbyggð er á sunnanverðum Vestfjörðum og samanstendur af tveimur þéttbýliskjörnum, Patreksfirði og Bíldudal og auk þess sveitir þar í kring. Einstök náttúrufegurð prýðir sunnanverða Vestfirði og hér er ótal margt að sjá og upplifa. Í Vesturbyggð er öflugt atvinnulíf, fjölbreytt þjónusta og gott mannlíf. Góð þjónusta er í sveitarfélaginu, öflugt æskulýðsstarf, leikskólar, íþróttasvæði, verslanir, sjúkrahús, verkstæði, vélsmiðjur, trésmíðaverkstæði, bíó, ferðaþjónusta og fl. Náttúrufegurð er mikilfengleg, en m.a. Rauðisandur og Látrabjarg er innan sveitarfélagsins. Möguleikar til útivistar, félagsstarfa, íþrótta og afþreyingar eru fjölmargar. Vesturbyggð tekur vel á móti nýjum íbúum!

About

Skólastjóri í Patreksskóla

Vesturbyggð óskar eftir að ráða skólastjóra við Patreksskóla.

Skólastjóri gegnir lykilhlutverki í mótun skólastarfsins og í samstarfi skóla og samfélags. Jafnframt ber skólastjóri ábyrgð á starfsemi skólans, rekstri og mannauðsmálum. Við leitum að leiðtoga með metnað og einlægan áhuga á framþróun í skólastarfi.

Helstu verkefni og ábyrgð

Stjórnun og ábyrgð á daglegri starfsemi og rekstri skólans
Fagleg forysta skólans um þróun náms og kennslu og farsæld nemenda
Ábyrgð á framþróun í skólastarfi
Hafa forystu um og styðja samstarf í samræmi við farsældarlög
Fjármál og rekstur
Leiða samstarf starfsfólks, nemenda, heimila og skólasamfélagsins í heild
Samstarf við skólanefnd, bæjarstjóra og bæjarstjórn

Menntunar- og hæfniskröfur

Leyfisbréf til kennslu og kennslureynsla á grunnskólastigi
Framhaldsmenntun í stjórnun eða uppeldis- og kennslufræðum er æskileg
Farsæl reynsla af rekstri, stjórnun og skólaþróun er æskileg
Þekking á lögum og reglugerðum sem varða skólastarf
Þekking á stafrænni tækni í skólastarfi
Skipulagshæfni og lausnamiðuð hugsun
Leiðtogafærni, metnaður og framsýni
Jákvætt viðmót og mjög góð samskiptahæfni
Góð íslenskukunnátta og færni til að tjá sig í ræðu og riti

Um fullt starf er að ræða.

Vesturbyggð býður upp einstaka náttúru, rólegt umhverfi og gott samfélag. Svæðið er kjörið fyrir þá sem sækjast eftir jafnvægi milli vinnu og einkalífs, fjölbreyttum útivistarmöguleikum og nálægð við haf og fjöll. Í Vesturbyggð er samheldið samfélag sem leggur áherslu á sjálfbærni, menntun og velferð. Umhverfið er tilvalið fyrir þá sem vilja taka þátt í líflegu og skapandi umhverfi.

Í öllum skólum Vesturbyggðar hefur Heillaspor verið innleitt, sem er heildræn nálgun til að styðja við farsæla þátttöku barna í skóla- og frístundastarfi. Mikil áhersla er á samstarf milli leik- og grunnskóla í sveitarfélaginu.

Patreksskóli er staðsettur á Patreksfirði og þjónar nemendum frá Patreksfirði og Barðaströnd. Í skólanum eru um 100 nemendur og 28 starfsmenn. Þar starfar samhentur hópur kennara og starfsfólks sem leggur áherslu á jákvætt skólaumhverfi og traust samskipti. Gildi skólans eru jákvæði, virðing og samvinna. Skólinn leggur m.a. áherslu á fjölbreytt og skapandi nám og byggir starf sitt á einstaklingsmiðaðri nálgun, leiðsagnarnámi og samþættingu námsgreina, þar sem grunnþættir menntunar og velferð nemenda eru í fyrirrúmi.

Nánari upplýsingar um skólann er að finna hér https://www.vesturbyggd.is/thjonusta/menntun/grunnskolar/patreksskoli/

Umsóknum skal fylgja ítarleg ferilsskrá ásamt kynningarbréfi.

Nánari upplýsingar

Elín Dögg Ómarsdóttir - [email protected]

Advertisement published16. May 2025

Application deadline2. June 2025

Language skills