Skólaliði og ræstingar í Fjarðarborg í 50% starf
Grunnskóli Borgarfjarðar auglýsir eftir skólaliða í 50% starf. Viðkomandi mun einnig sinna ræstingum í félagsheimilinu Fjarðarborg þar sem skrifstofur sveitarfélagsins eru m.a. til húsa.
Unnið er alla virka daga milli klukkan 10:00 og 14:00 í grunnskólanum en möguleiki er á sveigjanlegum vinnutíma í samkomulagi við skólastjóra sem er næsti yfirmaður. Ræstingar í Fjarðarborg fara fram samkvæmt nánara samkomulagi við fulltrúa sveitarstjóra á Borgarfirði.
Grunnskólinn á Borgarfirði eystra er heildstæður grunn- og leikskóli þar sem litið er á nám nemenda frá leikskóla til grunnskóla sem eina heild. Í öllu skólastarfinu er rými fyrir fjölbreytta kennsluhætti og samþættingu námsgreina samhliða metnaði fyrir bóklegum greinum.
Starfið er laust nú þegar og er ráðið í starfið út júní 2026 með möguleika á framtíðarstarfi.
- Almenn þrif á skólahúsnæði og í Fjarðarborg
- Fylgjast með og aðstoða nemendur í leik og starfi
- Almenn gæsla í frímínútum og hádegi
- Stuðla að jákvæðu og hvetjandi skólaumhverfi fyrir alla nemendur
- Stuðla að velferð nemenda í samstarfi við starfsfólk skólans
- Íslenskukunnátta
- Frumkvæði og metnaður í starfi
- Jákvætt og lausnamiðað viðhorf til verkefna
- Lipurð í samskiptum, sveigjanleiki og samstarfshæfni
- Stundvísi og samviskusemi
- Hreint sakavottorð
- 18 ára og eldri
Icelandic
