Sjúkraþjálfarar óskast til starfa hjá Takti

Taktur óskar eftir sjálfstætt starfandi sjúkraþjálfurum til starfa í fullt starf eða hlutastarf til að sinna fólk með Parkinsonsjúkdóm og skylda sjúkdóma.

Taktur er sérhæfð endurhæfingarstöð fyrir fólk með Parkinson og skylda sjúkdóma sem er staðsett í nýuppgerðu húsnæði í Lífsgæðasetri St. Jó, í hjarta Hafnarfjarðar. Við bjóðum upp á sérhæfða endurhæfingu fyrir fólk á fyrri stigum Parkinsonsjúkdóms, þar sem markmiðið er að auka hreyfigetu og virkni, hægja á framgangi sjúkdómsins og bæta lífsgæði.

Starfið veitir möguleika á að taka þátt í þróun þjónustunnar og tækifæri til að vinna með öflugu teymi starfsfólks Takts.

Við bjóðum upp á framúrskarandi aðstöðu í hlýlegu umhverfi:

• Sérherbergi með æfingabekk fyrir einstaklingsþjálfun og skrifstofuaðstöðu
• Aðgengi að æfingasölum með sérhæfðum tækjum og búnaði fyrir hópþjálfun
• Búningsklefar og þvottahús

Menntunar- og hæfniskröfur:

• Íslenskt starfsleyfi frá Embætti landlæknis
• Frumkvæði og metnaður í starfi
• Sjálfstæð vinnubrögð og skipulagshæfni
• Hæfni í mannlegum samskiptum
• Góð íslenskukunnátta

Við bjóðum upp á:

• Hagstæða leigu
• Sveigjanlegan vinnutíma og starfshlutfall
• Framúrskarandi aðstöðu og tæki

Starfið er laust nú þegar en sveigjanleiki er varðandi hvenær viðkomandi hefur störf.

Umsókn skal fylgja náms- og starfsferilskrá ásamt kynningarbréfi.

Áhugasömum er velkomið að skoða aðstöðuna. Allar nánari upplýsingar veita Ágústa Kristín Andersen, forstöðumaður Takts, [email protected] og Erna Guðmundsdóttir, framkvæmdastjóri Parkinsonsamtakanna, [email protected]