Leikskólinn Rofaborg

Leikskólinn Rofaborg er staðsettur í Árbæjarhverfi við rætur Elliðaárdalsins sem er ein af fegurstu náttúruperlum borgarinnar. Í Rofaborg dvelja 110 börn á 5 aldurskiptum deildum.

About

Sérkennsla í Rofaborg

Leikskólasérkennari, þroskaþjálfi, atferlisfræðingur, leikskólakennari eða aðili með aðra uppeldismenntun óskast til starfa í leikskólann Rofaborg. Athygli er vakin á því að ef ekki næst að ráða einstakling með menntun á sviði uppeldis og kennslu kemur til greina að ráða einstakling með reynslu af svipuðum störfum.

Rofaborg er rótgróinn leikskóli í hjarta Árbæjar. Við leitum að metnaðarfullum einstaklingum sem eru tilbúnir að takast á við skemmtileg og krefjandi verkefni, vaxa í starfi og aðstoða litla fólkið sem hér dvelur að þroskast og dafna. Rofaborg er líflegur starfsstaður þar sem lögð er áhersla á að nýta styrkleika hvers og eins svo að allir hafi tækifæri á að hafa áhrif á stafið.

Útikennsla, hreyfing og sköpun er ríkur þáttur í starfi leikskólans hjá öllum börnum, sem og félgasfærniþjálfun, málörvun og læsi.

Starfið felst í að sjá um þjálfun og kennslu barns með sérþarfir. Starfið er unnið undir handleiðslu sérkennslustjóra og í samvinnu við viðkomandi deildarstjóra og annað starfsfólk deildarinnar.

Helstu verkefni og ábyrgð

Að sinna kennslu og þjálfun barns með sérþarfir.
Að skipuleggja og endurmeta kennsluáætlanir í samvinnu við sérkennslustjóra.
Að vera í samstarfi við foreldra, fagaðila og aðra ráðgjafa.
Taka þátt í skipulagningu faglegs starfs í samstarfi við deildarstjóra.
Sinna daglegum verkefnum deildarinnar í samstarfi við deildarstjóra og annað starfsfólk.

Menntunar- og hæfniskröfur

Menntun sem nýtist í starfi s.s. leikskólakennaramenntun og leyfisbréf kennara, þroskaþjálfafræðimenntun, hagnýt atferlsgreining, iðjuþjálfun, sérkennaramenntun eða önnur menntun tengd uppeldi, þroska og kennslu barna.
Frumkvæði í starfi og faglegur metnaður.
Reynsla af uppeldis- og kennslustörfum með ungum börnum æskileg.
Hæfni og sveigjanleki í samskiptum.
Ábyrgð og áreiðanleiki.
Íslenskukunnátta á stigi B2 samkvæmt evrópska tungumálarammanum