Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

About

Sérfræðingur í rannsóknaþjónustu Háskóla Íslands

Laust er til umsóknar fullt starf sérfræðings í rannsóknaþjónustu á Vísinda- og nýsköpunarsviði Háskóla Íslands.

Sérfræðingurinn mun taka þátt í uppbyggingu öflugrar og samræmdrar rannsóknaþjónustu við Háskóla Íslands. Fyrstu tvö árin mun viðkomandi gegna starfi rannsóknastjóra Félagsvísindasviðs og leiða þróun rannsóknaþjónustu sviðsins.

Helstu verkefni og ábyrgð

Leiða og þróa rannsóknaþjónustu Félagsvísindasviðs með áherslu á gæði, skilvirkni og góða þjónustu við fræðafólk
Veita ráðgjöf og stuðning við mótun rannsóknaverkefna, gerð styrkumsókna og rekstur rannsóknaverkefna
Miðla upplýsingum um innlenda og erlenda styrkjamöguleika og halda utan um lykilupplýsingar um rannsóknir og rannsóknastyrki
Þróa og innleiða verkferla, regluverk og samninga sem stuðla að faglegri og skilvirkri umsýslu rannsókna
Taka þátt í stefnumótun á sviði rannsókna og rannsóknainnviði
Byggja upp og viðhalda samstarfi við innlenda og erlenda samstarfsaðila
Efla sýnileika rannsókna og taka þátt í miðlun vísinda, skipulagningu viðburða og samstarfi við vísindanefndir og aðra stýrihópa

Menntunar- og hæfniskröfur

Meistarapróf sem nýtist í starfi, doktorspróf er kostur
Reynsla af þátttöku í rannsóknaverkefnum
Þekking á innlendu og alþjóðlegu styrkjakerfi rannsókna og nýsköpunar
Reynsla af gerð styrkumsókna og utanumhaldi alþjóðlegra verkefna er kostur
Þekking á fjármálum og umsýslu rannsóknastyrkja er kostur
Reynsla af rannsóknastarfi innan háskóla og þekking á starfi rannsóknastofnana er kostur
Góð færni í íslensku og ensku, bæði í rituðu og töluðu máli
Góð færni í upplýsingatækni og hæfni til að tileinka sér nýjungar á því sviði
Fagmennska, frumkvæði og sjálfstæði í starfi
Rík þjónustulund, sveigjanleiki og góð samskipta- og samstarfshæfni

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Advertisement published31. July 2026

Application deadline14. August 2026

Language skills

English

Required

Intermediate

Icelandic

Required

Intermediate

Location

Sæmundargata 2, 101 Reykjavík

Type of work

Professions

Job Tags