Sérfræðingur í hússtjórnarkerfum
Öryggismiðstöðin leitar að tæknifræðingi, rafiðnfræðingi eða einstakling með góða reynslu á sviði hússtjórnarkerfa.
Í boði er fjölbreytt starf við hönnun, uppsetningu og viðhald á hússtjórnarkerfum.
Starfið tilheyrir sviði Tækni og hönnunar en þar fer fram víðtæk þjónusta á öryggis- og velferðartæknilausnum.
Um er að ræða framtíðarstarf á samhentum, traustum og metnaðarfullum vinnustað með einstökum starfsanda.
Helstu verkefni og ábyrgð:
- Hönnun og uppsetning á hússtjórnakerfum
- Samskipti við viðskiptavini og birgja
- Þátttaka í teymisvinnu innan tæknisviðs
- Önnur tilfallandi verkefni
Menntunar- og hæfniskröfur:
- Rafmagnstæknifræðingur BSc, rafiðnfræðingur eða sambærileg reynsla
- Reynsla af uppsetningu hússtjórnarkerfa er krafa
- Reynsla af loftræstikerfum og iðnstýringum er kostur
- Þekking og reynsla af forritun er kostur
- Hæfni til að vinna í teymi
- Frumkvæði og sjálfstæð vinnubrögð
- Hæfni í mannlegum samskiptum, jákvæðni og rík þjónustulund
- Stundvísi og vinnugleði er vel metið
- Góð færni í íslensku og ensku nauðsynleg
- Góð tölvukunnátta
- Gild ökuréttindi
Farið verður með allar umsóknir sem trúnaðarmál. Vakin er athygli á því að starfsmenn Öryggismiðstöðvarinnar þurfa að skila inn sakavottorði.
Umsóknarfrestur er til og með 20. maí 2026.
Nánari upplýsingar um starfið veitir Þorsteinn Ólafsson, tækni- og verkefnastjóri, í síma 570 2400 eða í gegnum netfangið [email protected].
