Sérfræðingur í gæða- og reglugerðarmálum

Kvikna Medical vinnur að sölu og þróun á búnaði fyrir heilalínurit (EEG) og eru viðskiptavinir um allan heim. Kvikna Medical er lækningatækjaframleiðandi og vinnur eftir gæðakerfi í samræmi við ISO 13485 staðalinn. Gæða- og reglugerðarmál eru mjög umfangsmikil í heilbrigðistækni og er því um fjölbreytt og krefjandi starf að ræða. Í boði er vinna á framsæknum vinnustað við afar spennandi vöruþróun sem er á heimsvísu.

Starfið felst í almennum rekstri og viðhaldi á gæðakerfi Kvikna Medical, s.s. uppfærslu ferla, skjalayfirferð, innri úttektum, rýni stjórnenda, innleiðingu nýrra staðla og reglugerða sem og öðrum tilfallandi verkefnum innan gæðadeildarinnar. Næsti yfirmaður er gæðastjóri.

Starfið gæti hentað þeim sem hafa reynslu af vinnu við hvers konar gæðakerfi (t.d. ISO 13485, 9001, 27001 eða sambærilegt). Gæti einnig hentað heilbrigðisverkfræðingum eða öðrum verkfræðingum, lyfjafræðingum eða öðrum með áhuga á gæðastjórnun og vöruþróun. Laun taka mið af reynslu og menntun umsækjanda.