Rafmiðlun hf. er eitt stærsta rafverktakafyrirtæki landsins og veitir alhliða þjónustu og lausnir á sviði rafverktöku, hvort sem verkefnin eru stór eða smá. Fyrirtækið býður upp á heildarlausnir á sviði rafverktöku, þar með talið ráðgjöf, hönnun, teikningar, efnisöflun og framkvæmd. Rafmiðlun leggur ríka áherslu á fagmennsku, ábyrgð og góða þjónustu við viðskiptavini sína. Hjá Rafmiðlun starfa yfir 150 manns og er lögð mikil áhersla á að öll verkefni séu unnin af fagmennsku og metnaði. Mannauðurinn er lykillinn að góðum árangri og því eru jafnlaunavottun, gæða- og öryggismál, ásamt endur- og símenntun starfsfólks, í stöðugum forgangi. Starfsfólki býðst reglulega að sækja námskeið og fræðslu til að efla þekkingu sína og færni í starfi. Hjá fyrirtækinu er öflugt og virkt starfsmannafélag og lögð er áhersla á góðan starfsanda, samheldni og að starfsfólk hittist og eigi góðar stundir saman. Rafmiðlun hefur hlotið viðurkenningu sem framúrskarandi fyrirtæki síðastliðin ár. Gildi og stefna Rafmiðlunar byggja á því að vera traust og framúrskarandi fyrirtæki sem bæði starfsfólk og viðskiptavinir geta treyst.