Festa - miðstöð um sjálfbærni

Samskiptaleiðtogi

Vertu rödd sjálfbærni á Íslandi

Festa – miðstöð um sjálfbærni leitar að drífandi og hugmyndaríkum samskiptaleiðtoga sem vill hafa áhrif á framtíð samfélagsins. Við erum frjáls félagasamtök sem hraða umbreytingu íslensks atvinnulífs í átt að hringrásarhagkerfi og sjálfbærni og nú vantar okkur öflugan einstakling til að leiða miðlun og ásýnd Festu út á við.

Í þessu hlutverki vinnur þú þétt með framkvæmdastjóra og teymi Festu að því að móta skýra og áhrifaríka stefnu í samskiptum, markaðssetningu og upplýsingagjöf.

Við leitum að einstaklingi með sterka sýn á hvernig samskipti geta skapað raunveruleg áhrif.

Helstu verkefni og ábyrgð

Móta og tryggja að miðlun Festu endurspegli stefnu og framtíðarsýn samtakanna.
Viðhalda og efla traust tengsl við fjölmiðla, samstarfsaðila og aðildarfélög Festu.
Verkefnastýra nokkrum af kjarnaverkefnum Festu.
Umsjón samfélagsmiðla, vefsíðu, fréttabréfa og annarra miðla Festu.
Framleiða markviss og áhrifarík skilaboð í orði og mynd.
Skipuleggja og styðja við viðburði, ráðstefnur og útgáfur.
Nýta gögn og mælingar til að hámarka áhrif miðlunar.
Ritstýra ársskýrslu og öðru efni sem Festa gefur út.

Menntunar- og hæfniskröfur

Háskólamenntun og reynsla sem nýtist í samskiptum, miðlun eða markaðsstarfi.
Þekking og reynsla af miðlun, almannatengslum og/eða markaðssetningu.
Framúrskarandi vald á íslensku og ensku, bæði í rituðu og töluðu máli.
Leikni í helstu stafrænu miðlunartólum (t.d. Meta Business Suite, Canva, Mailchimp o.fl.) er mikill kostur.
Góð almenn stafræn hæfni og tæknilæsi.
Hæfni til sjálfstæðra vinnubragða, verkefnastjórnunar og skipulagningar.
Sköpunargleði og hæfni til móta áhrifarík skilaboð.
Þekking eða áhugi á sjálfbærni.

Við bjóðum:

Áhugavert og fjölbreytt starf í skemmtilegu umhverfi og tækifæri til að kynnast og vinna með margvíslegumsérfræðingum úr ólíkum geirum samfélagsins.
Lítið og samhent teymi sem vinnur náið að því að skapa raunveruleg áhrif.
Sveigjanlegur vinnutími og möguleiki á fjarvinnu eftir samkomulagi – við treystum fólki til að finna jafnvægi.
Tækifæri til að vaxa bæði faglega og persónulega í stuðningsríku og hvetjandi starfsumhverfi.

Festa er metnaðarfullur og lifandi vinnustaður þar sem hægt er að hafa áhrif og leiða verkefni með sýnilegum árangri. Festa eru frjáls félagasamtök sem eru ekki rekin í hagnaðarskyni. Aðild eiga um 200 fyrirtæki, stofnanir og sveitarfélög. Samfélag Festu er einstakt net leiðandi aðila á sviði sjálfbærs reksturs og nýsköpunar. Framtíðarsýn Festu er að íslenskt samfélag og atvinnulíf verði leiðandi á sviði sjálfbærni. Okkar starf er tilgangsdrifið, við eigum í uppbyggilegu samstarfi og leggjum áherslu á gagnkvæman stuðning ólíkra aðila í átt að settu marki.

Festa býður upp á sveigjanlegan vinnutíma, fjarvinnumöguleika og fjölskylduvænan vinnustað. Skrifstofa Festu er í Háskóla Reykjavíkur. www.sjalfbaer.is

Umsóknarfrestur er til og með 17. ágúst nk.

Við hvetjum öll áhugasöm, óháð kyni og uppruna, til að sækja um.

Umsókn skal fylgja ferilskrá og hnitmiðað kynningarbréf þar sem gert er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með ráðningarferlinu hafa Auður Bjarnadóttir ([email protected]) Garðar Óli Ágústsson ([email protected]) hjá Vinnvinn.