Reykjalundur

Á Reykjalundi fer fram alhliða endurhæfing sem miðar að því að bæta lífsgæði, færni og sjálfsbjargargetu þeirra sem þangað leita. Reykjalundur er heilbrigðisstofnun í eigu Sambands íslenskra berkla- og brjóstholssjúklinga (SÍBS) og vinnur samkvæmt lögum um heilbrigðisþjónustu á Íslandi. Um þjónustuna gildir þjónustusamningur milli Sjúkratrygginga Íslands og Reykjalundar.

About

Sálfræðingur

Laus er til umsóknar staða sálfræðings á Reykjalundi endurhæfingu ehf.

Viltu verða hluti af samheldnum og metnaðarfullum hópi sálfræðinga sem starfa á Reykjalundi ? Laus er til umsóknar staða sálfræðings á Reykjalundi endurhæfingu ehf. Um er að ræða fullt starf og er æskilegt að viðkomandi geti hafið störf í byrjun ágúst eða eftir nánara samkomulagi.

Á Reykjalundi starfa sálfræðingar í átta þverfaglegum teymum þar sem áhersla er lögð á skjólstæðingsmiðaða nálgun og heildræna sýn. Í þverfaglegum teymum á Reykjalundi starfa auk sálfræðinga, félagsráðgjafar, iðjuþjálfarar, sjúkraþjálfarar, næringarfræðingar, íþróttafræðingar, sjúkraliðar, hjúkrunarfræðingar og læknar. Mötuneyti er á staðnum og aðgengi starfsfólks að heilsurækt og sundlaug.

Helstu verkefni og ábyrgð

· Sálfræðiþjónusta fyrir einstaklinga 18 ára og eldri.

· Mat og meðferð á sálrænum vanda og geðröskunum.

· Ber ábyrgð á og sinnir skráningu og eftirfylgd einstaklingsmála í samræmi við gildandi

lög, reglur og verklagsreglur.

· Gagnreynd sálfræðimeðferð og ráðgjöf.

· Einstaklings- og hópmeðferð.

· Sinnir fræðslu til sjúklinga og faghópa, meðal annars með þátttöku í skipulagningu og

framkvæmd fræðslu.

· Tekur þátt í þverfaglegu samstarfi og teymisvinnu.

· Önnur tilfallandi verkefni í samræmi við starfsemi og markmið Reykjalundar.

Hæfnis- og menntunarkröfur

· Leyfi frá embætti landlæknis til að starfa sem sálfræðingur er skilyrði.

· Reynsla af sálfræðilegri greiningu og meðferð fullorðinna er æskileg.

· Þekking og reynsla af endurhæfingu er æskileg.

· Reynsla af hópmeðferð og námskeiðahaldi er æskileg.

· Jákvætt viðmót og framúrskarandi hæfni í mannlegum samskiptum.

· Frumkvæði, áhugi og metnaður í starfi.

Laun greiðast samkvæmt gildandi kjarasamningi Sálfræðingafélags Íslands og SFV auk stofnanasamnings Sálfræðingafélags Íslands og Reykjalundar endurhæfingar ehf. Boðið er upp á handleiðslu eftir þörfum.

Umsókn skal fylgja ítarleg náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Mat á hæfni umsækjenda byggist á innsendum gögnum og viðtölum við umsækjendur.

Öllum umsóknum verður svarað.

Upplýsingar um starfið veita

Nadía Borisdóttir sviðsstjóri ráðgjafar -[email protected] og Guðbjörg Gunnarsdóttir mannauðsstjóri - [email protected]

Advertisement published19. June 2026

Application deadline5. July 2026

Language skills