Rekstrarstjóri Lindex á Íslandi

S4S ehf mun taka við sem umboðsaðili Lindex á Íslandi frá og með 1. mars næstkomandi og leitar að öflugum og reynslumiklum rekstrarstjóra til að leiða rekstur Lindex hér á landi. Um er að ræða spennandi og fjölbreytt starf fyrir einstakling sem hefur brennandi áhuga á smásölu, rekstri og teymisvinnu.

Rekstrarstjóri mun sitja í framkvæmdastjórn S4S og bera ábyrgð á rekstri Lindex á Íslandi, í nánu samstarfi við verslunarstjóra, framkvæmdastjórn og markaðsdeild.

Helstu verkefni og ábyrgð

Umsjón og ábyrgð með rekstri Lindex verslana á Íslandi, þ.m.t. netverslun
Samstarf og stuðningur við verslunarstjóra sem annast daglega stjórnun verslana
Regluleg viðvera í verslunum til að styðja við daglegan rekstur, fylgjast með starfsemi og tryggja góð samskipti við starfsfólk
Gerð rekstraráætlana, eftirfylgni með árangri og daglegum rekstri
Umsjón með innkaupum, vöruflæði og samskiptum við birgja
Yfirsýn yfir mönnun verslana og skipulag vaktaplana
Samvinna við markaðsdeild S4S um markaðs- og kynningarmál Lindex á Íslandi
Virk þátttaka í áframhaldandi þróun og uppbyggingu Lindex á íslenskum markaði

Menntunar- og hæfniskröfur

Góð reynsla af verslunarrekstri skilyrði
Reynsla af stjórnunarstörfum og mannaforráðum
Góð skipulagshæfni, sjálfstæði í vinnubrögðum og frumkvæði
Góð samskiptahæfni og hæfni til að vinna í teymi
Áhugi á tísku, vörumerkjastjórnun og smásölu
Viðeigandi menntun sem nýtist í starfi

Fríðindi í starfi

Við bjóðum:

Spennandi og fjölbreytt starf með áhrifum á daglegan rekstur og þróun verslunar
Tækifæri til að vinna með sterku og alþjóðlegu vörumerki
Sæti í framkvæmdastjórn S4S með öflugu baklandi og góðu samstarfi innan samstæðunnar
Metnaðarfullt og skemmtilegt starfsumhverfi

Umsóknarfrestur er til og með 30. janúar 2026

Nánari upplýsingar veitir Runólfur Sanders, framkvæmdastjóri S4S ehf, [email protected].

Um Lindex

Lindex er eitt af leiðandi tískufyrirtækjum Evrópu með um 440 verslanir í 17 löndum, auk sölu á netinu. Fyrirtækið var stofnað árið 1954 og hefur fyrirtækið starfað á Íslandi í um 15 ár. Vöruframboð Lindex spannar meðal annars kvenfatnað, barnafatnað og nærföt, með áherslu á gæði og sjálfbærni.

Um S4S

S4S ehf. er eitt stærsta smásölufyrirtæki á Íslandi á sviði skó-, fatnaðar og tengdra vara. Félagið rekur fjölbreytt úrval verslana, þar á meðal Steinar Waage, Kaupfélagið, Ecco, Skechers, S4S Premium Outlet, AIR og útivistarverslanir Ellingsen. Auk þess rekur S4S netverslanirnar Skór.is, Ellingsen.is, Air.is, Rafhjólasetur.is og Premiumoutlet.is, sem þjónusta viðskiptavini um allt land. S4S sinnir einnig heildsölu og rekstri dótturfélagsins Ellingsen-BRP, sem sér um tækjadeild Ellingsen.

Advertisement published13. January 2026

Application deadline30. January 2026

Language skills