Pikkoló sendill óskast!

Pikkoló leitar af hressum og hraustum einstaklingum með áhuga á að taka þátt í að breyta leiknum á matvörumarkaði og hjálpa fólki að nálgast mat - og dagvörur í nærumhverfi sínu með snjallari og umhverfisvænni hætti.

Um er að ræða fullt starf eða hlutastarf á dagvinnutíma og um helgar. Krafa er gerð um bílpróf og að einstaklingurinn sé 20 ára eða eldri.

Hvað er Pikkoló?

Pikkoló er spennandi nýsköpunarfyrirtæki sem vinnur að þróun á sjálfbæru snjalldreifikerfi fyrir matvöruverslanir á netinu. Meginmarkmið Pikkoló er að hjálpa fólki að nálgast mat-og dagvörur í nærumhverfi sínu með snjallari og umhverfisvænni hætti. Þetta gerir Pikkoló með því að tengja matvöruverslanir við umhverfisvænar sjálfsafgreiðslustöðvar Pikkoló sem staðsettar eru í nærumhverfi fólks.

Hlutverk þitt sem Pikkoló sendill.

Hlutverk Pikkoló sendla snýst fyrst og fremst um að sækja pantanir í verslanir og koma þeim fyrir í kældum sjálfsafgreiðslustöðvum Pikkoló.

Hér er um að ræða einstakt tækifæri til að vaxa í starfi og vera partur af frábæru teymi sem vinnur að uppbyggingu á einu ferskasta nýsköpunarfyrirtæki landsins!

Umsóknarfrestur er til 1.ágúst 2025