Náttúrufræðistofa Kópavogs leitar eftir sérfræðingi
Náttúrufræðistofa Kópavogs óskar að fá til liðs við sig öflugan sérfræðing til að vinna að faglegu safnastarfi á sviði náttúruvísinda.
Náttúrufræðistofa Kópavogs er viðurkennt safn með um 6000 náttúrugripi í safneign sinni. Í starfsemi safnsins er lögð áhersla á að kynna náttúru landsins, umhverfismál og náttúruvísindi í gegnum sýningar, fræðslu, viðburði og útgefið efni. Í safninu er unnið að faglegu innra starfi með skráningu, umsjón og rannsóknum á safneign. Starfsemi safnsins miðar að því að stuðla að náttúrulæsi og bjóða upp óvænt sjónarhorn á umfjöllunarefni sín, þar á meðal með samspili náttúruvísinda við skapandi greinar.
Sérfræðingur á Náttúrufræðistofu Kópavogs mun vinna að samþættingu innra og ytra starfs safnsins. Sérfræðingur leiðir rannsóknir og samstarfsverkefni fyrir hönd safnsins. Hann vinnur að þróun grunnsýningar í samstarfi við starfsteymi og sér um framkvæmd og útfærslu þess. Sérfræðingur tekur þátt í skráningu og umsjón safneignar í samstarfi við verkefnastjóra safneigna. Hann vinnur jafnframt að miðlun í útgefnu efni, á stafrænum miðlum og í fyrirlestraröðum í samstarfi við verkefnastjóra fræðslu.
- Leiðir rannsóknir og samstarfsverkefni Náttúrufræðistofu Kópavogs.
- Umsjón og áframhaldandi þróun á grunnsýningu Náttúrufræðistofu Kópavogs.
- Miðlun í útgefnu efni, fræðaerindum og sýningum.
- Vinnur í samstarfi við verkefnastjóra fræðslu og viðburða við gerð fræðsluefnis um náttúruvísindi og umhverfismál.
- Háskólamenntun á sviði náttúruvísinda, safnafræði eða sambærilegu námi sem nýtist í starfi.
- Skýr og fagleg sýn á mótun og þróun starfsemi Náttúrufræðistofu.
- Hugmyndaauðgi, frumkvæði, sjálfstæð vinnubrögð og metnaður til að ná árangri í starfi.
- Reynsla af safnastarfi er kostur.
- Reynsla af rannsóknarstarfi er kostur.
- Reynsla af miðlun rannsókna í útgáfum, sýningum og viðburðum er kostur.
- Reynsla af þverfaglegu samstarfi á sviði menningar og náttúruvísinda er kostur.
- Jákvætt viðmót og lipurð í mannlegum samskiptum.
- Færni til að rita texta og miðla til ólíkra samfélagshópa.
- Mjög góð íslensku- og enskukunnátta í ræðu og riti.
Icelandic
English
