Sensa ehf.

Sensa er alþjóðlegt þjónustufyrirtæki og starfar þar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Okkur er ekki sama eru einkunnarorð Sensa, okkur er ekki sama um viðskiptavininn eða starfsmenn okkar. Eigandi Sensa er SoftwareOne sem er alþjóðlegt upplýsingatæknifyrirtæki með höfuðstöðvar í Swiss.

About

Markaðsstjóri Sensa

Við leitum að skapandi og drífandi einstaklingi sem hefur reynslu af markaðsmálum og nýtur þess að móta áherslur og koma hugmyndum í framkvæmd.

Hjá Sensa leitum við að markaðsstjóra sem leiðir markaðsstarf fyrirtækisins í takt við stefnu þess og markmið. Í starfinu felst ábyrgð á markaðsstefnu og markaðsáætlun, ásamt fjölbreyttum verkefnum sem styrkja vörumerkið, auka sýnileika Sensa og efla tengsl við viðskiptavini.

Þú munt vinna náið með sölu- og þjónustuteymum og öflugum hópi sérfræðinga að því að koma þekkingu og lausnum Sensa á framfæri á skýran og áhugaverðan hátt. Starfið býður upp á tækifæri til að setja svip á markaðsstarfið og fylgja verkefnum frá hugmynd að framkvæmd og mati á árangri þeirra.

Helstu verkefni og ábyrgð

Móta markaðsstefnu Sensa og leiða markaðsstarf í takt við stefnu og markmið fyrirtækisins
Gera markaðsáætlun, fylgja henni eftir og nýta árangursmælingar til að þróa markaðsstarfið
Auka vitund um vörumerki Sensa, styrkja stöðu þess á markaði og tryggja samræmda ásýnd
Stýra framkvæmd auglýsinga og markaðsherferða í nánu samstarfi við sölu- og þjónustuteymi
Bera ábyrgð á vef Sensa og móta áherslur um þróun hans, innihald og framsetningu
Hafa umsjón með samfélagsmiðlum Sensa og þróun markaðsefnis sem eykur sýnileika og höfðar til markhópa Sensa
Skipuleggja og stýra viðburðum Sensa og þátttöku fyrirtækisins í sýningum og ráðstefnum

Menntunar- og hæfniskröfur

Menntun sem nýtist í starfi
Reynsla af stafrænu markaðsstarfi, markaðsherferðum og vörumerkjastjórnun
Framúrskarandi íslenskukunnátta
Færni í textagerð og skýrri miðlun á íslensku og ensku
Þekking á árangursmælingum og geta til að nýta niðurstöður til umbóta
Frumkvæði, sjálfstæði, skipulögð vinnubrögð og góð samskipta- og samstarfsfærni
Reynsla af viðburðahaldi er kostur
Áhugi á upplýsingatækni og stafrænum lausnum er kostur

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími

Sensa er alþjóðlegt 120 manna þjónustufyrirtæki sem sérhæfir sig í upplýsingatækni á fyrirtækjamarkaði.

Hjá okkur starfar öflugt teymi sérfræðinga sem styðja hvert annað og deila þekkingu. Við leggjum mikla áherslu á góðan starfsanda, sveigjanleika og að starfsfólk hafi svigrúm til að þróast í starfi.

Við bjóðum upp á nútímalegt og sveigjanlegt vinnuumhverfi þar sem starfsfólk fær tækifæri til aukinnar menntunar á sviði upplýsingatækni og svigrúm til að vaxa á eigin forsendum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.

Umsóknarfrestur er til og með 8. nóvember, en byrjað verður að vinna úr umsóknum um leið og þær berast.

Gerð er krafa um að umsækjendur hafi hreint sakavottorð og við hvetjum öll til að sækja um, óháð kyni.
Einungis er tekið á móti umsóknum í gegnum umsóknarkerfi Alfreðs.
Nánari upplýsingar um starfið veitir Þröstur Sigurjónsson, í gegnum netfangið [email protected]

Advertisement published27. October 2026

Application deadline8. November 2026

Language skills