Lögreglustjórinn á Suðurnesjum

Hjá embætti lögreglustjórans á Suðurnesjum starfa um 200 manns. Verkefnin eru fjölbreytt og krefjandi. Í umdæmi lögreglunnar á Suðurnesjum er Keflavíkurflugvöllur sem gegnir lykilhlutverki í uppbyggingu almannaflugs á Íslandi og tengir landið við Evrópu og Norður-Ameríku. Í fjölmennu liði lögreglunnar á Suðurnesjum býr mikill þróttur og góð þekking þar sem áhersla er lögð á jafnrétti, starfsánægju, heilbrigðan starfsanda og góð samskipti.

About

Mannauðsstjóri - Lögreglustjórinn á Suðurnesjum

Við embætti lögreglustjórans á Suðurnesjum er laus til umsóknar staða mannauðsstjóra. Við leitum að drífandi og framsýnum einstaklingi í spennandi og krefjandi starfsumhverfi. Mannauðsstjóri ber ábyrgð á og leiðir framkvæmd mannauðsmála innan embættisins í umboði lögreglustjóra og situr í yfirstjórn embættisins. Æskilegt er að viðkomandi geti hafið störf sem fyrst.

Lögreglan á Suðurnesjum er framsækin þjónustustofnun þar sem áhersla er lögð á mannauð, fagmennsku og traust. Verkefni embættisins eru fjölbreytt og áhersla er lögð á góða þjónustu við nærsamfélagið og aðra sem fara um umdæmið, öfluga löggæslu, almannavarnir og að tryggja lögmæta umferð um landamæri Íslands. Hjá embættinu starfa um 220 manns í fjölbreyttum og krefjandi störfum á þremur starfsstöðvum.

Gildi embættisins eru fagmennska, heiðarleiki og traust.

Helstu verkefni og ábyrgð

Fagleg forysta í mannauðsmálum embættisins
Þróun mannauðsstefnu og eftirfylgni hennar
Þróun starfsumhverfis í anda stefnu embættisins
Ráðgjöf og stuðningur við stjórnendur og starfsfólk
Umsjón, undirbúningur og eftirfylgni starfsmannasamtala
Ábyrgð á helstu mannauðsferlum, gerð starfagreininga og starfslýsinga
Yfirumsjón með ráðningum, móttaka nýs starfsfólks, þjálfun, starfsþróun og starfslokum
Túlkun kjara- og stofnanasamninga, launasetning og yfirumsjón launavinnslu
Samskipti við stéttarfélög, framkvæmd kjarasamninga, réttindamál og aðbúnaður
Umsjón með gæðamálum á sviði mannauðsmála
Seta í yfirstjórn embættisins og þátttaka í stefnumótun

Menntunar- og hæfniskröfur

Háskólagráða sem nýtist í starfi auk framhaldsmenntunar á sviði mannauðsstjórnunar eða sambærilegrar menntunar
Yfirgripsmikil þekking og reynsla af mannauðsmálum
Þekking eða reynsla af opinberri stjórnsýslu og vinnurétti
Framúrskarandi samskipta- og samstarfshæfni
Mjög góð þjónustulund, jákvætt viðhorf og sveigjanleiki
Leiðtogahæfni, frumkvæði og sjálfstæði í starfi
Árangurs- og lausnamiðuð hugsun
Þekking og reynsla af að leiða breytingar
Skipulagshæfni, nákvæmni og öguð vinnubrögð
Mjög góð almenn tölvukunnátta er nauðsynleg og þekking á helstu mannauðskerfum ríkisins er kostur
Gott vald á íslensku og hæfni til að miðla upplýsingum í rituðu og töluðu máli

Óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og rökstyður hæfni sína í starfið.

Sótt er um starfið á vef Starfatorgs. Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Vakin er athygli á því að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsfólk lögreglu verða almennt að njóta. Til þess að staðreyna þetta er lögreglu heimild að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Varðandi persónuverndarákvæði gagnvart umsækjendum, sjá vef lögreglunnar: Suðurnes | Lögreglan

Umsóknir geta gilt í 6 mánuði frá birtingu auglýsingar, sbr. ákvæði 3. tl. 2. mgr. 2. gr. reglna nr. 1000/2019 um auglýsingar á lausum störfum með síðari breytingum.

Advertisement published10. November 2026

Application deadline20. November 2026

Language skills