Mannauðsráðgjafi hjá Mosfellsbæ
Mosfellsbær óskar eftir að ráða hugmyndaríkan mannauðsráðgjafa sem hefur metnað fyrir því að sinna fjölbreyttum mannauðsmálum og sýna frumkvæði að framþróun og nýsköpun í málaflokknum. Um fullt starf er að ræða með krefjandi verkefnum þar sem reynir á lausnamiðaða hugsun, sjálfstæði og skipulag.
Mannauðsráðgjafi er hluti af teymi mannauðs- og starfsumhverfissviðs og sinnir ráðgjöf, fræðslu og stuðningi við stjórnendur s.s. tengt ráðningum, nýliðafræðslu, túlkun kjarasamninga, viðveru og eftirfylgni með verkferlum mannauðsmála þvert á starfsemi sveitarfélagsins.
Hjá Mosfellsbæ leggjum við mikla áherslu á að sækja fram, innleiða nýjungar og umbætur, einfalda ferla og gera þjónustu til stjórnenda og starfsmanna skilvirkari og betri.
-
Stuðningur, ráðgjöf og fræðsla til stjórnenda varðandi mannauðstengd mál og framkvæmd þeirra.
-
Túlkun, ráðgjöf og framkvæmd kjarasamninga og launasetning.
-
Eftirfylgni með framkvæmd mannauðsmála og tillögugerð um úrbætur þar sem við á.
-
Hefur frumkvæði að framþróun og nýsköpun í mannauðsmálum.
-
Eftirfylgni með niðurstöðum vinnustaðagreininga og umsjón með verkefnum sem snúa að starfsanda og heilbrigðri vinnustaðamenningu.
-
Stuðningur við stjórnendur í breytingastjórnun.
-
Verkefnastjórnun og þátttaka í starfshópum á sviði mannauðsmála.
-
Önnur verkefni sem yfirmaður felur starfsmanni.
-
Háskólamenntun (B.A./B.S) sem nýtist í starfi.
-
Framhaldsmenntun sem nýtist í starfi, meistarapróf á sviði mannauðsstjórnunar mikill kostur.
-
Þekking og reynsla á opinberri stjórnsýslu.
-
Góð reynsla af mannauðsmálum, ráðgjöf til stjórnenda og túlkun kjarasamninga.
-
Reynsla af viðverukerfinu Vinnstund og mannauðskerfinu H3 er kostur.
-
Hugmyndaauðgi og reynsla af innleiðingu nýrra lausna á sviði mannauðsmála.
-
Framúrskarandi hæfni í mannlegum samskiptum.
-
Frumkvæði, sjálfstæði og skipulagshæfileikar.
-
Góð íslensku- og enskukunnátta.
Icelandic
English
