Deloitte Legal

Deloitte Legal er öflugur hópur lögmanna, lögfræðinga og annarra sérfræðinga sem hefur áralanga reynslu af lögfræðiverkefnum fyrir stóra sem smáa, og íslenska sem alþjóðlega viðskiptavini, og er leiðandi á markaði þegar kemur að skattaráðgjöf.

About

Lögfræðingur á sviði skattaréttar

Deloitte Legal er framsækin og alþjóðleg lögmannsstofa sem þjónustar fjölbreyttan hóp fyrirtækja í margvíslegum atvinnugreinum á öllum helstu sviðum fyrirtækjalögfræði. Deloitte Legal er jafnframt samstarfsaðili Deloitte á heimsvísu sem samanstendur af 490.000 sérfræðingum og er leiðandi þjónustuveitandi á sviði endurskoðunar og reikningsskila, upplýsingatækniráðgjafar, fjármálaráðgjafar, áhætturáðgjafar og tengdrar þjónustu.

Deloitte Legal leitar að áhugasömum og metnaðarfullum lögfræðingi í öflugt teymi félagsins, sem samanstendur af hópi lögmanna, lögfræðinga og annarra sérfræðinga. Hjá Deloitte á heimsvísu starfa að auki yfir 2.500 lögfræðingar, sem saman vinna að því að veita framúrskarandi þjónustu.

Leitað er að metnaðarfullum einstaklingi til að starfa við skattaráðgjöf og tengd mál

Helstu verkefni og ábyrgð

Úrvinnsla lagalegra álitaefna og ráðgjöf á sviði skattaréttar.
Samskipti við stjórnvöld.
Skattalegar áreiðanleikakannanir.
Skjalagerð.
Samvinna með öðrum ráðgjafateymum, hérlendis sem og erlendis.
Önnur skatta- og lögfræðiráðgjöf við stór sem smá fyrirtæki.

Menntunar- og hæfniskröfur

Embættis- eða meistarapróf í lögfræði. 
3-5 ára reynsla af lögfræðistörfum á sviði skattaréttar .
Framúrskarandi samskipta- og samstarfshæfni.
Frumkvæði og sjálfstæði í starfi.
Góð greiningarhæfni og lausnamiðuð hugsun.
Mjög góð íslensku- og enskukunnátta er skilyrði og geta til að tjá sig, í máli og riti.

Starfsþróun þín  

Við upphaf starfs færðu leiðbeinanda sem kemur þér inn í starfið („Buddy-kerfi“).
Þú færð þjálfun og stuðning frá reyndum sérfræðingum í teyminu þínu sem og „People Leader“ sem aðstoða þig við að þróa þig áfram í starfi.
Þú lærir mikið á þeim fjölbreyttu verkefnum sem þú tekur að þér hjá viðskiptavinum í ólíkum geirum.
Við styðjum við vöxt þinn með símenntunartækifærum.

Að auki bjóðum við upp á: 

Frábært mötuneyti með niðurgreiddum morgunmat og hádegismat.
Veglegan líkamsræktarstyrk, virkt starfsmannafélag og gott félagslíf.
Styrki til foreldra.
Fyrirmyndar aðbúnað starfsfólks.
Sjálfboðastarf til áhrifa – launaður dagur til að sinna sjálfboðaliðaverkefnum.

Við hlökkum til að fá umsóknina þína

Nánari upplýsingar um starfið veitir Haraldur I. Birgisson ([email protected]) framkvæmdastjóri og meðeigandi hjá Deloitte Legal. Æskilegt er að umsækjendur geti hafið störf sem fyrst. Tekið er á móti umsóknum í gegnum heimasíðu Deloitte, www.deloitte.is, til og með 9. nóvember nk.

Vilt þú hafa áhrif? Hjá Deloitte skiptir þitt framlag máli því saman, sem ein heild, vinnum við að því að hafa áhrif á viðskiptavini, samstarfsfélaga og samfélagið. Þú færð tækifæri til að taka þátt í fjölbreyttum verkefnum þvert á svið, starfsstöðvar og lönd, auka hæfni þína og færni og fá góðan stuðning til vaxtar og þróunar í starfi.

Advertisement published23. October 2026

Application deadline9. November 2026

Language skills