Leikskólinn Hulduberg

Leikskólinn Hulduberg hefur verið starfræktur frá 2. nóvember 1999. Deildirnar eru 6 talsins og heita Álfaberg, Flikruberg, Móberg, Silfurberg, Stuðlaberg og Tröllaberg. Stefna leikskólans er að veita hverju barni umhyggju, stuðning og öryggi í gegnum þroskandi og heilsueflandi umhverfi. Markmiðin okkar eru: Barnið er alltaf í brennidepli. Skapa umhverfi sem eflir alhliða þroska barnsins. Nám barnsins fer fram í gegnum leikinn. Hafa málhvetjandi umhverfi, til að stuðla að eðlilegri færni í íslensku. Leikskólinn sé heilsueflandi. Á leikskólanum ríkir jákvæðni, umhyggja, virðing og framsækni. Börnin öðlast festu og öryggi í leikskólanum. Allt starf leikskólans sé í nánu samstarfi við foreldra. Foreldrar séu okkar samstarfsaðilar í umönnun barnanna og við veitum þeim stuðning í foreldrahlutverkinu.

About

Leikskólakennarar óskast á Hulduberg

VIÐ ERUM AÐ LEITA AÐ LEIKSKÓLAKENNURUM Í LEIKSKÓLASTARF FULLT STARF SEM GETUR HAFIÐ STÖRF 11. ÁGÚST.

Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi.

Í Huldubergi eru 102 börn á aldrinum 1 árs til 4ja ára. Sérstakar áherslur í leikskólastarfinu eru: Tilfinningalegt öryggi, umhyggja, umönnun, hlýja, góðvild, festa, sveigjanlegt dagskipulag, streitulaust umhverfi og aldurshæfandi örvun.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Fylgist vel með velferð barnanna og hlúir að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
Tekur þátt í skipulagningu faglegs starfs deildarinnar, gerð skólanámskrár, mati á starfsemi leikskólans og þróunarverkefnum undir stjórn leikskólastjóra.

Menntunar- og hæfniskröfur

Leyfisbréf kennara með áherslu á leikskólastarf eða aðra sambærilega menntun.
Áhugi, menntun, reynsla og hæfni í starfi með ungum börnum.
Sjálfstæði og metnaður í vinnubrögðum.
Framúrskarandi samskiptafærni.
Góð íslenskukunnátta er skilyrði.

Umsóknarfrestur er til og með 01. júlí 2025.

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Þuríður Stefánsdóttir leikskólastjóri og Jóna Rún Gísladóttir aðstoðarleikskólastjóri Huldubergs í síma: 586-8170. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.

Advertisement published3. June 2025

Application deadline1. July 2025

Language skills