Launafulltrúi sem langar í meira
Hefur þú reynslu af launavinnslu en langar í hlutverk sem snýst um meira en að keyra laun?
Hefur þú gaman af því að einfalda vinnulag, nýta tæknina betur og koma auga á leiðir til að gera góða ferla enn betri?
Brú Talent leitar að metnaðarfullum og lausnamiðuðum launafulltrúa fyrir öflugt og framsækið fyrirtæki á höfuðborgarsvæðinu.
Launavinnsla er vissulega mikilvægur hluti starfsins, en hún er ekki allt starfið. Hún er að mestu unnin síðustu daga mánaðarins og þess á milli gefst gott svigrúm til að sinna umbótum, greiningum, þróun kerfa og öðrum fjölbreyttum verkefnum á sviði launa- og mannauðsmála.
Við leitum því ekki aðeins að einstaklingi sem kann að vinna laun. Við leitum að einstaklingi sem spyr líka: Getum við gert þetta einfaldara, öruggara eða skilvirkara?
Það sem gerir starfið sérstakt
Launavinnslan er unnin í teymi en ekki af einum aðila. Það skapar sterka faglega samvinnu, stuðning og sveigjanleika, auk þess sem ábyrgð og þekking dreifist á fleiri en einn einstakling.
Fyrirkomulagið gerir launafulltrúum jafnframt kleift að taka frí yfir mánaðarmót. Það er kostur sem er ekki sjálfgefinn í störfum af þessu tagi.
Starfið býður einnig upp á raunverulegt tækifæri til að hafa áhrif á hvernig hlutirnir eru gerðir. Rétti einstaklingurinn fær svigrúm til að skoða ferla með gagnrýnum augum, leggja til breytingar og taka þátt í að innleiða nýjar lausnir.
- Umsjón með launavinnslu og tengdum verkefnum
- Undirbúningur, afstemming og eftirlit með launagögnum
- Samskipti við starfsfólk og stjórnendur vegna launa- og kjaramála
- Skráningar, upplýsingagjöf og reglubundin skýrslugerð
- Greining launa- og mannauðsgagna
- Þátttaka í umbótum og einföldun verkferla
- Þróun og bætt nýting launa- og mannauðskerfa
- Skoðun á tækifærum til sjálfvirknivæðingar og nýtingar gervigreindar
- Stuðningur við samstarfsfólk í mannauðsteymi
- Önnur fjölbreytt verkefni eftir áhuga, reynslu og styrkleikum viðkomandi
- hefur reynslu af launavinnslu en hún þarf ekki að vera mikil
- býr yfir nákvæmni, ábyrgðartilfinningu og öguðum vinnubrögðum
- hefur gaman að því að aðstoða og á auðvelt með fagleg samskipti
- heldur ró sinni þegar mikið er að gera og tímamörk eru skýr
- hefur áhuga á að þróa ferla og nýta tæknina betur
- sýnir frumkvæði og fylgir verkefnum eftir
- er forvitinn, lausnamiðaður og tilbúinn að læra
- kann að meta gott samstarf en getur jafnframt unnið sjálfstætt
- hefur sveigjanleika og áhuga á að taka að sér fjölbreytt verkefni
Það væri sérstaklega spennandi ef þú
- hefur unnið í H3 launakerfi
- þekkir til tímaskráningarkerfa
- ert fær í Excel og hefur áhuga á greiningu gagna
- hefur reynslu af Power BI eða öðrum greiningar- og framsetningartólum
- hefur áhuga á sjálfvirknivæðingu, gervigreind og stafrænni þróun
- hefur gott auga fyrir því hvar óþarfa handavinna eða sóun leynist í ferlum
- vilt taka þátt í að þróa launavinnslu til framtíðar
Við gerum ekki kröfu um að þú getir hakað við allt á listanum. Mikilvægast er að þú hafir reynslu af launavinnslu, sterkan faglegan grunn og áhuga á að vaxa og þróast áfram í starfinu.
Icelandic
