Kennari - Leikskólinn Álfaberg

Leikskólinn Álfaberg óskar að ráða kennara til starfa í 100% starfshlutfall.

Leikskólinn Álfaberg er 5 deilda leikskóli sem er staðsettur á Breiðvangi 42 í Norðubæ Hafnarfjarðar. Megin áhersluþættir leikskólans eru læsi og félagsfærni. Jafnframt er lögð áhersla á snemmtæka íhlutun. Í leikskólanum er unnið samkvæmt SMT skólafærni og eru gildi leikskólans virðing og umhyggja.

Áhersla er lögð á að mynda jákvætt andrúmsloft, unnið er markvisst með starfsánægju og að starfsumhverfið sé skapandi og lærdómsríkt fyrir börn og fullorðna. Á Álfabergi starfar skemmtilegur og metnaðarfullur hópur starfsmanna sem eru lífsglaðir, jákvæðir og lausnamiðaðir. Leitað er eftir áhugasömum einstaklingum sem hafa metnað og áhuga fyrir starfinu.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Að vinna að uppeldi og menntun leikskólabarna
• Að taka þátt í skipulagningu faglegs starfs
• Að taka þátt í foreldrasamstarfi í samráði við deildarstjóra
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Starfsleyfi sem kennari (leyfisbréf fylgi umsókn)
• Reynsla af uppeldis og kennslustörfum æskileg
• Góð færni í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð íslenskukunnátta
• Þekking á starfsaðferðum SMT er kostur

Fríðindi í starfi:

• Heilsuræktarstyrkur
• 75% afsláttur af leikskólagjöldum
• Forgangur á leikskóla
• Bókasafnskort
• Sundkort

Fáist ekki starfsmenn með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019.

Nánari upplýsingar um starfið veita Lilja Kolbrún Steinþórsdóttir leikskólastjóri, [email protected] og Linda Björk Halldórsdóttir aðstoðarleikskólastjóri, [email protected] eða í síma 5553021/6645864.

Launakjör eru samkvæmt kjarasamningi Sambands íslenskra sveitarfélaga og KÍ v/ Félags leikskólakennara.

Umsóknarfrestur er til og með 2. júlí 2025.

Greinargóð ferilskrá og leyfisbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.